Merry Christmas!

(喔噢, should be "Merry Boxing Day"~!)

節日快樂~!

無咩送到俾大家, post隻自己好喜歡的歌:

(話說我自己上網聽了24個不同人唱的版本! 癲呢~)



(但我喜歡的版本沒有MV, 不好意思~)

睇完好關機準備走人啦! 今晚涼涼地記得食飽D~ 哈哈

我唔明法律!

話說我要幫忙去租一個新站, 其中牽涉了不少法律程序...

事實上, 其實是我的「上一手」做了一半然後走了, 件事丟淡左半年!

最後一個step: 簽 agreement。我覺得自己已經做了一份很詳細的 agreement 給那個業主, 怎料他把內容一加再加! 但係其實來來去去咪又係「果三覆被」?! 真係好唔明點解要咁做呀! 而且硬係要用一些普通大眾唔明白的英文字!

然後我地自己公司個法律顧問又要在改了的地方逐粒逐粒字去再檢查!

嘩, 係咁來來回回幾次, 真係煩死了...囧"

又病到死下死下

我記得，今年春季（四月）開始，我到訪那個兒科醫生，他診斷我為鼻敏感，然後說「每年大約四月，你會特別嚴重架～因為轉天氣！」

但我想問醫生的是，點解宜家都未到春季，我已經咁嚴重呢？

然後去看了另一個醫生，拿了恐龍口水綠色的藥，還是不行．．．

究竟幾時先可以好番呢？！

火女跳街舞

昨晚學跳舞, 阿sir教了好難的動作 (其實係勁快的動作囉...)

佢鼓勵我地唔好消沉 (哈哈! 可能我地望落好down...因為d動作做唔到/做得唔好)

然後佢話: 大家返屋企練下, 同一個動作做一千次就會做得好架喇!

*_____*

我是第二期 join這個阿sir的班了, 覺得佢雖然將「街舞初班」搞到好似「高班」(我報既係工聯會唔係出面的dance club喎! 可能會有學員偷偷埋怨佢將興趣班搞到太緊張), 教埋d野鬼咁難! 但係我覺得佢好有heart, 好認真地想我地跳得好! 我估佢真係好愛 hip hop既呢...

佢的每個動作都好似擺 post! 真係好鬼好睇! 我都好想好似佢咁...(做咩會變左狂讚阿sir?! XD)

其實我想表達的是, 一千次應該不是誇張! 好似 Wonder girls, 少女時代等等, 一定都有苦練超過一千次先會跳得如此好看如此齊整吧! 想做好每樣野, 真係要靠苦練不可以懶的~

我希望自己就算跳得唔係勁好都有個型樣俾人睇下! 哈哈...

火女眼中之新加坡

呼~! 久等了!!

(其實我已經精神分裂地post了些環球影城照片在另一個blog~ 咁在此處就寫下字promote一下新加坡啦!)

(在這裡post照片實在係超煩的! 艾德兄, 點解你可以post到咁多?? 勁呀!)

注: 沒有靚女相 XD

新加坡於我來說, 可能不算是一個旅遊點, 因為我有親戚+朋友在那邊......可以省回交通費! 今年內神推鬼擁地就去了兩次!

不過事實上我上次到新加坡已經是十多年的事了! 是最近才和那邊的人「重新聯絡」:p

個人認為那裡是一個比較有人情味的城市, 當地人比較熱情, 而且有耐性, 不會像香港人般急進而冷漠! 地方較細, 建築物不算新但乾淨! 聽聞政府會負責翻新的~ 福利好好, 政府的屋都是同一個樣板, 它們是「平售」給市民的! 所以他們的地址大部分是 xxx區, building #___ 號, 幾樓幾室, 就這樣!

然後街市及住宅都有好多地方給老人家休憩, 見過有一個熟食中心的枱有一個小洞! 原來是給老人家放拐杖, 非常貼心!

聽朋友講, 住宅的休憩空間也會用作辦喪事的地方! 當有人過身, 儀式就會o係自己樓下搞!

Post一些景點相先:

動物園, 小團友們在玩假鱷魚!

真動物 (豹是有隔著玻璃啦...不過牠們好有型呀~!

艾德放了摩天輪的日照片, 我便放夜間吧 (晚上看下去沒會比較不清楚, 無咁驚架~)! 其實...我覺得最佳的時間係日落時間 (大約7點), 真係會美到不得了!

本人放棄post景點相了, 請去熱血艾德看景點照吧! XD

今次的旅程其實最開心的是我們兩家人一行13人一起去! 人生能夠有幾多個家族旅行的機會? 應該少之又少吧! 而我們今次之行的目的其實是參加婚禮......

婚宴在香格里拉酒店舉行! 嘩....好富麗堂皇! 仲有台添! 不過...食物水準很一般呢! 令人失望! 新加坡可能沒有太多新鮮食材? 整晚都係蝦/帶子的配搭!

賓客們都穿得好華麗! 以致我們有少許失色了......

有機會的話我想多說點, 做一個今次旅程的思想總結!

近況。。。

其實好想更新一下架！不過篇新加坡遊記還在草稿箱，又想update左先......

哈哈！我寫作好唔得呀，文筆好差！（而且有走下破的感覺!）想講的好似唔知如何表達！

時間=最好的治療藥...?

今日特別忙, 可能因為明天放假啦! 正常o既~

然後 lunch time看 fb, 發覺了......咦! 今日是前度的生日!

完完全全忘掉了。

明明他的生日和我妹妹的是如此近。

雖然說時間是最好的治療藥, 但......我和他也並沒有發生甚麼太大的不快 (可能也只是忘記了:p), 所以如果一直淡忘下去, 又好似有點可惜!

但是如果不忘記, 又無法 move on吧......

(題外話1: 就係因為容易被忘記所以我在公司的文件99%都標明了日期! 哈哈...)

(題外話2: 明天終於放假! 好開心呀呀呀呀呀~~~)

求診記

話說我今年看了很多次醫生! 現在這個醫生是一位「兒科聖手」, 當我去到診所見到的是一大堆比o靚模還要嫩的女孩子 (或男孩子, 其實即係幾歲的小朋友囉!) 充塞著整個waiting area......

終於輪到我了! 叩門入去....

D=Doctor; 火=火女

D: 坐吖~ 咩事~?

火: 醫生我感冒了

D: (望了我的病歷) 哦! 鼻敏感人喎你係! 鼻敏感發作囉!

火: 呃....係......? 但係點解會發作到咁? 我D同事都有鼻敏感不過佢地都係流下鼻水咁......

D: 佢地冇你咁嚴重呀! 等我開隻特效藥俾你啦!

火:......哦。

D: 仲有冇問題?

火: 有呀! 我想問最近右邊面的神經怪怪的! 有時麻痺有時抽搐.....我會唔會中風架?

D: 下? 中風? 你宜家咁細個, 個可能性都幾低架喎......有機會係牙痛引起既啫! 你試下笑同合埋眼? 如果做到這兩樣就唔係中風了!

火: (其實醫生會唔會取笑我低B呢?) 哦, 係, 唔該醫生!

D: 好啦 Bye bye!

完!

到埋單時發現「特效藥」要另外加$50! 即係原本用免費醫療咭都變到要俾錢! 哼......

下次仲去唔去看他......兒科醫生......

晨早白日夢

我想

找一個錫我又有條件的男人

嫁鬼左佢

然後繼續返工不過唔會期望升職

日日9點半先出現, 如果阿姐話就一副「炒我吖笨!」的態度

返工hea hea下吹下水又一day, 夠鐘即閃

打字時不經意有隻大鑽戒show了出來

冇事業心又唔代表愛國和平喎, 是非照講

唔妥邊個就鬧邊個, 得閒篤下人背脊

這樣的生活是否會很爽呢~

發完夢, 要準備工作了! :(

這個很有用...

男生請注意!

(火女呃了POST, 哈哈! 沒辦法啦, 放假後忙到扒街!)

剛做了個惡夢!

好驚好驚! 剛剛驚醒了......

夢是這樣的，妹妹陪我到一個提款機處因為我想拿錢，怎料那部機被封了，寫著「壞機」之類！

但我妹妹話「無問題架！」然後撕開了封條，叫我照樣拿。

突然，有兩個南亞裔男子走近，感覺是不懷好意的（其中一位坐輪椅！）

（其實可能佢地都只係要去「禁」錢！）

......之後不清楚有沒有發生甚麼事，總之他們走開了！

但是我妹妹又話「要幫我教訓他們」，然後走上（向上的）電梯到其中一人身後，一下就抽起他的腳令他跌倒！然後......那個人頭著地......血！好多血！

血一直向下流！

妹妹嚇得只掙大眼睛呆看著，然後我匆匆地擁著她，試圖令她安心！

沒事的..................

夢的最後，是妹妹收到了判決信（係喎！就咁一封信）寫著 "Hanging"......我的心又即時離一離！

之後嚇醒了，醒來後呆看天花板大約十秒後，爆哭了！

:'(

真係好驚！好不安呀！

有人可以解答我為何做了這樣的夢嗎？？

火女的photo blog~

各位, 火女開了個 photo blog! 平日很喜歡亂拍的我終於有地方分享啦, 哈哈!

有時間過去看看吧~ :)

一對分手男女的MSN對話

J=女; T=男

J XX (女方的再上一任男友) 要結婚了

T 我以為結左好耐咩

T 咁妳有冇聯絡恭喜佢

J 唔係呀...

J 有呀...做左人情囉...

T 人情? 有請妳去咩

J 係呀...我都唔想去

J 俾左3舊囉

T 會咁大方咩?請前度去

J 佢真係好大方呀! 真係有咁既人架!

J 個女仔既前度仲做兄弟添! 好爆

T 真係唔知...

T 咁笑料

T 妳去埋真係唔知點

J 好勁囉佢地

J 真係好大方

J 好似只係我覺得尷尬...............

T 都冇咩問題, 果d人玩得啫

J 係...

J 如果我請你你去唔去吖? ;)

T 去掛...妳有著落咩

J 無.!

T um...

J 你呢!

J 有冇對象, 快d講

T 冇拖拍.... 對象?我諗算係friend掛

T 妳又唔講

J 你講先，快ｄ

T 講左la 我諗算係friend掛

J 你鍾意佢? 點識架?

T 新同事黎...學徒

J 哦~! 同事~

J 靚女?

T 都唔算la

T 妳呢?

J 我都唔算呀...

T 有冇目標ar:@

J 有個舊同事咁囉...有少少好感~":P

T 有冇試過佢 點諗

J 佢應該唔會鍾意我...

J 係好傾少少咋

T 有就有 冇就算我而家個心態

J 你鍾意佢?

T 唔知算唔算

J :@

J 鍾意就鍾意架啦

J 咁算點

T 我都唔知鍾意人果隻感覺係點我同佢都係咁講

J 你............

J 咁都得.........

J 你其實有冇鍾意過我?! :|

T 有, 點會冇ar

J 哼

T 係我個人一直gei問題

J 咁又會唔清楚果個感覺.....:|

J 宜家發現都唔遲呀!

J 起碼知道有咩問題先有辦法改吧!

T 都係隨緣la 你鍾意人又點 人地對你有意先得架

J 係啦........

T 況且宜家都唔知係咪鍾意

T 佢得19歲咋

T 妳話點搞la

J 嘩......好細個呀..........

T 隨緣la

J 嗯!

J 咁.......

J 如果你想同我翻撻都可以!

T 好好笑呀

T 個心都唔同左

J 咁悶吖嘛!....有時

T 我諗我d時間悶過妳好多倍law

* * * * *

大家認為, 這對男女分開了多久? 才會可以這樣對話。

中秋節快樂!

人月兩團圓~!

近況=混亂

最近好像被人喜歡了。

原來「被喜歡」可以是一件頗為煩人的事...因為我對他(們)沒興趣呀! 姑且不說外型, 感覺......真的沒有!

不過, 可能那些人只是生活太無聊了? 才會不斷「追蹤」我吧?

至少我希望是這樣。

我喜歡的男孩是能令我發笑的! 有些人會知道, 其實我的笑點很低! 所以, 就算我和某人傾了幾次電話, 每次傾一個鐘都好,如果發覺我沒有怎麼笑過那就表示......我沒有喜歡他! (而且傾這麼久都可能是應酬...)

雖然我想好像迷戀偶像的朋友般就滿足於徹底地愛一個偶像, 但我知道自己不能這樣, 我也曾經喜歡過人, 不過 timing好像不太對, 然後...現在也頗享受 (習慣?)自由自在的生活呢!

* * * * *

最近收到前男友的請帖了。

其實我們已經分開多年了, 不過...上年在FB看到他向女友求婚的照片時, 我還是偷偷流了一兩滴眼淚, 我真傻! 當他真的通知我他要結婚了, 我當然是想盡辦法去推啦! 無論他多想在當天得到我的祝福...無奈實在是太尷尬啦!

但原來他已一早寫好請帖, 於是也給我一張「留念」吧

!

有時在想, 如果當初沒有分手, 現在我們會怎樣......

慢熱

慢熱並沒有問題呀！

其實，本人是一個慢熱的人（雖然可能沒人看得出來......因為我平時表現得太友善了吧？）

可能是以前「奶過野」啦。中學時，及初出來做野時，遇到一些人我覺得都幾投契，於是好快便熟絡了甚至視對方為交心的好朋友；可是沒多久便因為誤會（例如根本不了解對方之下踩親佢條尾啦...or vice versa）而疏遠甚至反目！

又或者越來越發覺對方極度自我中心，永遠只說自己的事而且沒有好好關心朋友，交唔過！

所以，漸漸覺得不應該對初識的人立即交心。（這樣是好正常的吧！）

所以，好怕那些見過幾面就當左我係好朋友的人！沒錯我可以好 nice 好 talkative，但通常都係吹水，無關痛癢的話題......

真的好怕那些人呢！

今天是松本潤的生日~

松本潤係乜水? 咪就係日版《花樣男子》(即是被亞洲多國拍到爛既《流星花園》是也!)主角, 組合「嵐」的性感老么囉~

火女回歸了!

Hi! 我回來了!

感覺有些對不起 blogger的兄弟姊妹們, 雖然玩 blog是不應該帶有負擔的......好坦白說, 少寫 blog是因為上一份工作比較忙, 連看 blog的時間也不太有! 然後回家後通常都會開 pps......(火女已「完全變態」成「宅女」, 哇哈哈!!)

但其實心裡是很想念大家的, 很懷念那段玩 blog的日子......現在呢, 哈哈哈! 轉工了! 所以 (暫時) 空閒了!

會逐個向大家留言拜訪! :)

~煩~

1. 或許應該如 Jo所說, 剷了那個人的 blog以後不再看! 應該可免卻一些胡思亂想......我對於他似乎係一個網友都不如的人......!

2. 我是為了(舊同事)"妹妹"才報的"星期日""荃灣" Hip hop班, 但最後她一直遲大到甚至 no show! 實在係激到我爆炸......如果無心, 為何浪費這些錢? 典型90後!

3. 感覺自己被"狂迷""追蹤"了, 又係好令人吐血的一件事......

4. "肥胖"的問題...*o*

5. 如果工作可以再忙一點便好了!!!

我和山下智久有個約會

對山下智久的第一印象, 是從日劇<野豬大改造>, 一開始是討厭這個角色的..."點解呢個男仔好似冇喱腰骨架, 佢係唔係high左嘢?" XD

但是, 越看就越喜歡他!

而之後的<欺詐獵人>, 簡直就是他的型男魅力大爆發! 足以"殺死"所有年齡層面的女性了！更有人把他比喻為"木村拓哉的接班人"~之後他又再拍了好幾套電視劇, 收視也不錯的!

這位型男現在要來香港開演唱會了, 所有他的粉絲都感到興奮莫名! 也是因為興奮, 所以很多朋友都買多了票......驚死d朋友冇得睇......

演唱會在下星期日, 還有一個星期就到了! 時間為下午3點或8點, 地點在九展。各位, 你們認識他嗎? 我誠邀你也來參與這個「約會」! Section4的位置, 原價$880, 我願意$800 賣出去, 只希望到時場館不會剩下一個空位!


請留言給我吧~