新年快樂呀~~~

咁多位虛擬朋友, 你們好! 火女在此祝你們新年 -

生命滔滔, 財源滾滾, 情場得意, 生番兩件, 勞而有獲, 歡歡喜喜, 身體健康, 合家平安.............

2008, 會係一個好年, 因為 2+0+0+8 = 10! 剛好係一個十進制單位, 齊齊整整和和氣氣! 個"8"字圓圓潤潤咁, 好可愛~! 平時填寫日期都會會心微笑!

其實新年流流, 我仲想同大家分享一個趣聞 (我想講出來好耐好耐了! 亦可以當這是一則"尋人啟事"):

你見過最大的女仔手/腳有幾大?

有一個廿零歲女仔, 五尺六吋高, 算係普普通通。不過佢雙腿呢有42吋 (拿拿拿, 男士們看到這裡, 幻想係可以的。不過如果我同你講呢個女仔體重有150磅呢?!......)

這個女孩子天生就手長腳長, 這是拜父母的優良血統所致...... 好, 入正題, 其實這個女孩正是我!

我走遍英美 (工作和讀書), 從未見過有一隻女人手大得過我! 我整隻手掌有20cm長, 中指 (手掌計)9cm, (手背計)11.5cm; 尾指 (手掌計)7cm, (手背計)9cm! 所以, 以我這一代人 (女仔), 我認手長第二, 應該極少人認到第一!

腳就反而可能有相同 (不過都係好少好少), 我穿: 香港 size 43, 英國 size: 8, 美國 size: 40/41

如果有女仔手腳都係咁大, 不如同我相認下丫! 到時我地可以交換 (手)相!

手大腳大其實有好有壞, 有時見到自己手/腳大過d男仔, 我都會幾尷尬! 不過我時常被女性讚我隻手好靚 (男士反而無; 可能因為他們覺得大部份女人手都好靚...) 好彩我男友隻手都有我咁大(不過手指短些)。

我係極度難買到鞋的, 好Q麻煩! 不過好彩最近都有幾間賣大碼鞋的, 款式都唔錯! 仲有我其實覺得自己有戀鞋癖, 所以好彩難買鞋, 否則屋企有過百對都唔知點算! 仲仲有, 就算3/4吋高跟鞋, 我穿上亦不會太辛苦, 因為個角度不太大 (可參考 sin, cos, tan 定理)...不過如果我穿上的話, 便感覺自己好像高過很多男士而導致不自覺地寒背! 所以我的鞋都是平底多, 以兩吋為限!

最後我都係想問多次: 有冇人同我相認呀~~~~~?


Happy New Year!

吹得我脤, 拉得我長

本來, 我的contract最初最初是定在1月4號完的, 然後, 原來我代產假的同事十號先會回來, 所以順利成章改為十號!

我在聖誕前後就開始為自己倒數了! 18日, 14日, 10日......前兩天, 阿 head突然叫我過去, 然後指住個月曆(我以為佢做乜添!), 原來佢想問我, 可否 extend到一月尾, 因為將會有個新 project要 run......

我當時實在既驚且喜! 沒想過他會有此要求! 緊係 "lur"飯應啦我!! 心裡想: 莫非是朱古力魔法?! 嘻嘻...

就係咁, 我就 extend到一月尾了...不過人係會開始貪心的, 我會想, 是否可能轉到做長工? 但係偷偷地 check左個 database (其實係 public database), 發覺其實有個新人會在二月中上工, 我只係 "zip"時間性質罷了! 果個咁既 HR八婆, 真係以為我好似之前咁蠢! 佢叫我自己去問我阿 head, 爭取個長工位置; 我表面就話 "好啦, 試下啦...", 心想你個xx真係假到冇人有! 仲要"懶"慈悲! "懶"好人!佢為何估唔到我會 check個 database呢? 就因為所有員工都唔睇?

所以, 我就係以這這個乍驚乍喜又灰灰地的心態去迎接這個 "新 project"了! 做完先算!

續, <歡度聖誕夜>

唔知咩事可先看這裡...

"美美...honey...我的小乖乖美美, 你快d出黎先啦!"

美美把自己反鎖在洗手間內。其實, 兩個人都畢竟拍了兩年拖, 互相有一定默契, 她也知道房間是真的貴呀! 總不能現在就走了吧! 錢又照俾! (丟爛個電話都係冇用! 電話都要錢買架...!) 這個明仔, 心癮就應該有, 但未至於夠膽真正行動! 美美都明白。不過, 怎樣也要給他一點懲罰, 一點顏色, 一點下馬威!

過了大約半小時, 她終於想到一個好辦法......
"我出黎都得, 不過, 有條件!"
"下.....好好好, 乜都得!"
(明仔都仲緊張自己! 美美個心一甜)
"我要拿我條私伙皮鞭出黎玩。"
"下.....?! 好......"
"我要用埋支蠟燭!"
"下.......你想我死咩......"
"點呀?!?!"
"好好好, 只要你出黎先"
"仲有, 我一個月都唔會著絲襪搞o野!"
"......呀~~~~~~~~~~~! honey, 乖乖, 小bb.........咁呢好似......."
"點?"
"好.....啦......嗚....."

美美終於滿意地走出來, 其實, 她哪來皮鞭蠟燭丫!! 絲襪就除下了...乜都除下了..........


次日早上, 倆口子於酒店西餐廳食早餐(package包埋的), 繼續斯斯文文, 怕怕醜醜的作風 (不過都係驚死冇得食地拿一大碟)。

"你! 有冇一刻諗過call阿Daisy黎, 唔好嘥.....?!?!"
"......當然冇啦, 傻既咩你"
"俾我知你有, 你就一世都冇絲襪....."
"我連佢個號碼都delete左啦..."
"你地d男人! 咁樣有用咩?! 你咪又係日日會見到佢?! 唉不過算啦, 下次記得較震機囉, 講極你都唔記得, 我地差d蝕左 $1xxx喇!!"

上癮...

做乜鬼, 我行番妳條舊路! (我都係有個妹...)

___________________________________


後話: 今日返到公司超多o野做, 都沒時間週圍留言了!

假日後第一天返工, 勁多勁多o野做! (因為大陸廠沒有公眾假期的呢....所以工作積聚了兩日:o)

頭也開始痛了......心裡想著(近乎唸咒地) 今晚不可以開電腦, 萬萬不可.....萬萬......不......

最後, 9:30pm, where am I? here I am! >_<"

聖誕自blog之小temp

我, 是一個很喜歡送禮物的人。我也很喜歡聖誕節, 所以每年我都會準備一些微微小小的東西, 送給週圍的人! 好像上年我當 part time promoter時, 就用禮物盒裝好一些鎖匙扣, 送給"隔離擋"的姐姐們! 今年在 C字頭公司做 Temp, 雖然只係短短三個月, 我覺得阿head和同事們待我也很不錯! 我很多謝他們關照我~

於是, 我就到 "資本主意社會衍生出來的產品, G字頭超豪華朱古力店", 買了一盒最便宜的十六片裝朱古力。把它分成多份, 再買一些靚靚精緻的小禮物盒, 幾元一個 (即係話, 就算在好貴的店買, 只要肯花點心思, 你也可以不超預算地做出便宜精美禮物!)

貴精不貴多, 每小盒有兩片就可以了! (有些人可能甚至未必喜歡吃朱古力呀!) 這份心思, 我覺得還不錯的! 因為當我的主管收到了後, 他整天都高高興興的! (當然holiday mood也是一大原因) 他還"回禮", 給了我一張e-card! 我想這是因為他估不到我會有此一著吧! 公司同事們一向都偏向冷漠的......臨放工前他再次向我道謝, 那四十多五十歲的男人臉上流露出點點害羞的神情, 令人很難忘!

當下就很開心, 覺得畢竟自己在這公司發揮了一點溫暖的影響力!

聖誕交叉blog之記得當時年紀小

媽媽拖著我的右手，走在行人道上。

「媽，點解姨媽成日都搬屋嘅？」

「我都唔知道。去到你問吓佢喇。」

「要行幾遠至到架？」

「好快，就到架喇。」

「咦，前面果個咁大個係咩黎架？係唔係要黎發電架？不過都唔同青山道果個嘅。啲顏色都唔同，又大咁多嘅！」

「唔係發電，係煤氣鼓黎架。」

「煤氣？……」

「係呀，會爆炸架。」

………

「你做咩呀？」

「我行近啲埋邊，咁爆炸嘅時候咪炸死我先囉。」

媽媽拖著我的左手，繼續走在行人道上。

***I would like to give the credit to: xiao zhu

聖誕交叉blog之願你今夜別離去

每次都總希望能逃過日出的來臨。
在床鋪裹,縱使身體是睡了，
但肌膚仍然和某女在磨合著，大肆進行肉體挑逗。
你碰了我的威武，我碰了你的玉帛。
就是這樣過了一夜的婚姻關係。
日出過後不能掩上酒醒過後的悔意，
我假意蓋上我的睡意，
因為我已經不知道自你離去已後，
那是第幾個放縱的夜，空虛的早上。
每次酒醉的晚上，
我也只能幻想你在我身旁，
被你的身軀壓著我的胸口。
宣示著「今夜別離去」。
但是今天的我只想再一次在你耳珠旁說一句「願你今夜別離去」...

***I would like to give the credit to: 億利

聖誕交叉扑有感

其實我認為, 交叉blog這個 idea實在好! 可能自己比較簡單啦, 沒有想太多那些版權呀, 陰謀論呀...純粹覺得自己的文登在別人的 blog, 或別人的文登在自己 blog中, 是非常好玩有趣的事! 又可以吸引多d "客"! 令大家互相認識多一點!

但有一點, 我是絕對有留意的, 就是所謂 "階級"! 請先不要誤會, 其實我心目中的這階級, 唔係話有錢冇錢叻唔叻果d, 係有關那博客平時的瀏覽率和題材! 好像 CK這些 blog, 咁人氣, 俾我真係唔多敢 "越級挑戰"的喎! 咁多人睇, 怕獻醜~~~~~~ 另外, 有些 blog平日的題材, 都好正正經經的, 就好像三點姐姐和七十姐姐的 blog呢, 如果我寫了一篇賤o野, 我都未必不太敢去 tackle兩位姐姐, 因為怕她們 reject!

但是我好慶幸, 寫了兩篇文, 都應該有人肯登 (會架可~??), 我這個地方也應該會有兩篇 "交叉扑"文章! 實在可喜可賀 (啪啪啪啪啪, 賺生固lee~!) 喂 blogger們, 多d支持這個活動啦! 講真架。

小朱,

一於唔同你爭電腦白痴呢個位置了! :D

屋村醫生就好似一個老朋友

上個星期, 因為感冒同食錯o野, 要落去睇醫生......

八點半先落到去, 嘩佢差d要走喇, 好彩好彩! 當我探緊熱, 佢睇住我張病歷咭話: [你第一次黎睇我係十三歲喎!] 我: [係啦, 十幾年喇.....隔離果間都"執左粒"啦, 你仲屹立不倒喎] (心果句: 哼, 如果唔係隔離執左, 我都唔會黎啦) 果一刻, 係有一點點老朋友說舊話的感覺......雖然佢實會叫人打支針, 雖然其實我全家人都暗地裡叫佢"黃綠"

真係呀, 自從隔離開多左一間醫務所, 我都會去隔離果間 (尤其是當時可以用醫療咭), 因為當我想要病假的時候, 佢會順攤d, 反而黃綠佢係會用鄙夷o既目光同語氣話: [呢d感冒, 唔洗放假都得固喎....] 然後就好似不情不願咁俾張假紙黎, 哈哈!

不過唔知係咪d人"先入為主"? 認為"新不如舊"? 總之果間就冇左 lu, 嗚呼!

黃綠佢開左六種藥俾我, 嗚呼!

***補充黃綠似"老""朋友"之原因:

1. 佢時至今依然係用人手寫病歷, 好似冇打算轉電腦喎

2. 帶唔夠錢落去, 差幾廿蚊.....佢會(懶"豪"咁)話: 爭住先囉~! 下次落黎俾番就得啦~~!

(待續)

我感恩

今朝早一起身見到媽媽, 就俾佢鬧!

話說我日前買左個新袋仔, 給自己做聖誕禮物, 個袋我一個月前已經睇過, 都幾鍾意但冇買, 今次再遇到佢…竟然減左一百蚊! 於是就開開心心咁買左了。

點知, 媽咪發現左個袋之後, 就問: “你係咪買左個新袋?” 之後好嚴肅咁同我講: “我要沒收番津貼左你既醫藥費! 你咁大使! 大花筒! 上年細妹送俾你的聖誕禮物果個毛毛袋仲咁新咁靚, 你應該用到佢殘晒先丫嘛………… !”

我本想返到公司, 即刻在我的xanga寫一個反駁佢的entry (因為佢會睇): 個袋都係二百多元啫, 我成年都冇自己買新袋啦 (其實有), 洗唔洗咁! 為左一件小事破壞晒我全日的心情! 毛毛袋係party袋, 咁靚點可以日日用喎! 又唔想一想我有幾耐冇買過o野?! (其實係有買o野) 好呀, 你收丫! 收番我的睇醫生錢! 咁我以後都唔會再做任何事討你歡心! 哼~~~~~

當然, 回到工司已經有其他事忙了, 所以冇寫到! Lunch後, 冷靜下來了, 反思為何佢會罵我?! 那是因為, 我真係好 “大洗” 呀! 平時 “個底好花”, 時常都令佢憂心! 係我唔好喎! 不過, 硬係一聽到佢 ‘哦” 我呢, 我一係就即時借左阿聾耳陳隻耳, 一係就 “得啦得啦得喇~~~”咁推塘佢, 甚至黑面, 每每要事後先黎後悔!

下午比較空閒, 想下想下, 發覺其實我要多謝佢肯罵我, 多謝佢為我好, 多謝佢擔心我! 感謝佢愛我!

我要點首歌俾佢: 鍾舒曼 – 好好擁抱
希望來年自己大個女成熟d, 激少佢dd啦哈哈哈…

我喜歡看多於寫

這幾天, 我都趁工作時間瘋狂地睇blog, 因為不久之前才發現到這個"地帶", 很想一篇一篇我追看你們的舊文, 結果...越看越多, 越看越遠(越發現得多喜歡的blogger), 結果是, 看得越多, 自己越寫不出! 一來已經沒時間, 二來知道自己技窮又詞窮! 不過, 我就非常enjoy你們的文章所帶來的討論, 引發我的思想! 好enjoy這樣一個思想沖擊! 所以這幾天我就像一個"網絡狂徒"般到處留言, 哈哈!

陳大文說得對, 寫blog實在不應為市場而寫 (但你的文大有市場喎), 所以, 我都係寫我擅長的女人仔婆媽文章生活瑣事好了! 自己以前寫blog一向都係以"快速短打"形式, 把感覺一/兩句寫出來:p

我會繼續做我的"網絡狂徒", 希望blog友們不介意!

"易拉啦生蛇!"

其實當我地去日本餐廳食o野, 跟本冇期望過d侍應會曉日文吖, 因為如果識o既仲洗係度咩, 閒閒地入間日本公司, 起薪都可能萬一二啦!

"阿lee呀多多揸master!"

但係, 其實, [歡迎光臨]同 [多謝]呢兩句基本既, 至起碼可以練好dd掛!

其實最應該由管理層做先, 不過佢地d經理似乎...可能忙得滯......

(不過可能係林海峰是但up完之後, 佢地已經由[234]同[多晒]"改進"左!)

咁, 其實又何必夾硬講d日文......

唉, 慘不忍睹!

食完好拿拿聲走喇, 我有個degree都夠了, 唔洗揸多個master

嘩...你睇我呢個blog, 真係"阿leeeeeee呀......多多master!"

聖誕交叉 Blog~

由 大鐵鎚兄 發起的玩意, 喂有冇人想o係一個冇乜(未有太大)人氣的blog 寫下o野咁呢~

你可以:

1. 盡量每人只交叉一個 post………..( 但可商議 )

2. 被扑者有權選擇被何人對扑。

3. 大家可以只係扑人或被人扑。無分男女。

4. 匿名或出筆名，你地鐘意啦。但當然要對方同意。

5. 當然可以自扑。(扮人地筆跡都得﹗但當然唔可以明正言順咁呃人話係邊個邊個寫啦)

6. 若果匿名，大家可以估下係邊個寫…. 不過需唔需要開估…… 自由決定

7. 題目請包括「聖誕交叉扑」之乜乜乜咁，以便相認。

8. 請開網誌留言。


歡迎任何題材, 基本上乜我都會post的, 不過最好 show名! 因為我唔想負責! 哈哈哈哈~~~
請 email我啦 (seafirefiregirl@gmail.com)~
純網上交流, yeah!

介紹...

其實我唔係一個好懶寫的人, 不過因為想了太多太多, 我在這裡的正式第一篇, 應該怎樣呢。我的思緒實在有點亂!

我有不只一個blog, xanga一個, yahoo一個, 但我有個感覺, xanga的blog就好像是 "呀今日我點點點, 同某人食飯, 睇咩戲..." 之類的生活小事, 而且都算是寫給現實中我的朋友看的。yahoo呢, 睇下明星相囉, 係囉, 相囉, 睇得多都厭, 已荒廢左那邊了!

開始看這裡, 當然是由 CK, 渣老闆, 馬沙等有名 blogger開始啦, 然後...發現了, 七十小姐, 空姐, 幾好睇喎, 再之後, 怒插港女, 陳大文, 小妮等等等等! 嘩不得了, 全部都咁有才華, 咁有見地, 咁有趣, 這裡的 blogger大千世界令我大開眼界! 好快我就開始融了入去了~ 我漸漸不再想在 xanga寫我今日做咩/食左咩了! 好想用自己少少力量, 唔好話反思, 起碼令人看了 enjoy一下都好! 這個成為我最近的理想(哈哈), 所以, 我好奇怪咁, 開了這個 blog而沒有通知任何一個現實朋友和家人! 我希望有 "純網上交流", 是否很怪?

不過我文筆不好! 其實我一向寫開白話的 (唉, 慚愧中), 而且寫得好鬼慢, 希望多多包涵! 關於我的奇怪心態, 希望下次再分享一下, 現在去睡了!

我宜家...

o係某間賣錶同計數機o既公司度做 temp, 不過就黎玩完 lu!

Hello!

開blog, 係因為想人地知我唔係一個"假人"!

不過未知可以寫咩住, 有才華的 blogger實在太多! 所以我好驚獻醜 :p