2008年12月31日星期三

新年要快樂

聖誕的四日假期, 玩到癲左!! 超 happy~~

開始步向年尾, 我覺得自己....醒了! 是我肯面對自己的不足, 還是開始知道要害怕了, ok......只有自己能夠信任, 才會幫自己, 所以, 要爭氣!

二零零八年就這樣, 超級極度快地過去了! 是快得恐怖....

* * * * * * * * * * * *

祝各位新年快樂! 最緊要身體健康, 記得唔好挨壞呀!!
珍惜青春; 珍惜眼前人~
記得對現在有的感恩! 不開心的事由它過去吧!

2008年12月22日星期一

交叉卦

遺憾! 玩不到了! :(

(因為已經過了 deadline 但係仲未寫!)

今年唯有做讀者, 多點留言支持!

期待大家的文字!!

狠心捨棄

衣櫃好爆! 空間好少! 搞到所有衣服都非常鄒+四散至周圍都係!

而且本著「舊的不去, 新的不來」這條定理, 今次, 我非常狠心地進行了清衣櫃工程, 掉了很多很多衫!!

其中包括:

1. 有紀念價值但一定不會再穿的....例如去旅行買的T-shirt, 某些人送給我的衫及以前划艇的背心! 已經放了好多年! 無奈地為它們拍下一些「遺照」, 之後就 bye bye了!

2. 買了之後只穿過一/兩次, 甚至一次都未穿過...總覺得就此棄掉好「蝕」, 但其實是不會再穿的, 因為好「娘」/ 窄左 / 一開始已經係窄 (即係買的時候被人坤左...)/ 突然不喜歡個款式......(我知我知....係喇買左好多個教訓了! 日後會買得小心d理智d!) 就算好靚好新, 都要, 掉!

3. 已經穿了多次殘舊了, 但因為實在穿得舒服 / 好睇 (不外乎映得我瘦d~), 所以未捨得掉..........唔得, 真係太殘了, 怎穿出街呢?? 唯有再買些................................................................

4. 舊公司的運動服, 豪不猶豫地!! 想剪爛佢添呀!!!

結論1: 今次任務是非常成功的! 清走了頂目 1, 2: 95% 和 3, 4: 100% 掌聲唔該!!

結論2: 吖駛唔駛添置一些新衣呢~~~~~~~~~~

下個目標工程: 自己堆積如山的雜物!!!!!

2008年12月19日星期五

宣傳定做戲?!

唔係掛! 周慧敏竟然同倪震結婚!

佢係唔係撞左邪呀?!?! 傻左? 為啖氣?

ok, 就算我地幾為佢不值, 我地都係局外人, 所以其實無必要 / 唔應該評論太多!

唉...佢都算慘, 陳慧琳結婚風風光光! 而佢就...不太被睇好...

命也! 唉!

小插曲: 這個消息是昨天大陸同事話我知的, 真係聽到眼都突埋! 之後我講左句 (國語)「這是否一場鬧劇? 還是宣傳呀??」

然後他們答: 上床? 我聽到你說上床呀...

被佢地取笑了一陣子......

2008年12月17日星期三

假如我是一個重要的人

假如我是一個重要的人, 我的每樣物品都會很有價值 (i.e.值錢)......

但係擺明我就唔係囉!

所以, 要開始執拾啦!! 棄掉些東西啦!!!

2008年12月15日星期一

聖誕交叉扑

又到聖誕, 又到聖誕!

第二屆「聖誕交叉扑」又來了! 我一定會玩的~

(但我還未向阿鎚生報名, 嘻嘻嘻...)

2008年12月10日星期三

十二月

本應開開心心的, 因為有假期嘛~~~ 聖誕節也快到了...

之不過因為工作而不開心, 是我太傻嗎?

短短一個月時間, 便可以令我由喜歡這個人變為討厭這個人! 是非常討厭!

是由誤會引起或是甚麼, 我都不太清楚!

只是, 這種鬥氣行為不是應該在學生時代才會發生的嗎???

2008年12月1日星期一

各位好.....

話咁快就十二月了........上個月只出了一個post........

好懶呀~~~~~!

2008年11月2日星期日

不帶相機 - 利與弊

此處說不帶相機的情況, 是指出席朋友聚會或是特別活動, 有景點的!

我並不是一個行街睇戲食飯都會拍幾百幅相的人!

好了, 來講講這個利與弊喇!

不帶相機的好處:

1. 不用重甸甸帶來帶去, 手袋少了負荷!

2. 不用顧慮冇電池, 好慘, 如果冇電就真係帶左等於冇帶!

(我那一部超傻瓜相機係用AA電的......你可能覺得「車咁咪仲好可以去買」, 但係姐姐呀! 宜家仲有兩粒裝的AA電賣嗎? 就算有, 都可能係同8/10粒裝的價錢只差幾蚊! 所以通常都會買大裝, 而後果就係.....個手袋更大負荷囉!!!! )

3. 如果你帶相機, 好自然地你就係「揸機人」, 於是被拍機會就相對少了~ 相反, 如果不帶機, 上鏡機會自然更多啦!

(你想話: 但係冇人想拍你? 唔緊要! 教你一個關鍵的字: 攝~ 只有識攝, 就一定有機會啦!! )

4. 映完相, 不須要自己upload - 須知道我真係一個電腦白痴, 而且...唔知點解硬係雞手鴨腳, up得超級慢! 坐享其成不知幾咁美妙!

不帶相機的壞處:

1. 如果你覺得在某地方想映多一張, 有時候是會不好意思開口的...始終部相機又不是由你控制嘛!

2. 被映了醜樣的機會, 很大。

3. 被映了醜樣而又upload上facebook 俾人tag埋的機會, 更大。(如果你有一班「壞朋友」的話...)

4. 你可能很久以後才能拿到, 甚至永不能拿到, 所有相片!

-完-

2008年10月31日星期五

假如我有一個水晶球

如果有一天, 我得到了一個, 能預知未來的水晶球, 我應該會第一時間, 看看自己未來會和誰結婚吧!

不過, 換來的結果, 應該都會是「尖叫」以及「暈低」?!

因為, 如果:-

1. 我見到將來結婚的對象, 是一個不認識的人........很令人驚訝喎這個人是誰呢?? 看看自己的樣子, 應該都有十年後......到那時候, 自己選擇的本錢也少了!

啊~~~~~~~!

2. 我見到將來結婚的對象, 是一個我早已認識的人, 但是......下?!?! 竟然是他?? 和他一向都不熟 / 沒甚麼話題 / 好像火星撞地球的呀.....之後就會開始留意這個人, 再慢慢喜歡上他........然後......

(如果事情真的照著這個模式發展, 那「預知未來」的意義好像就沒有了? 任何人, 如果有能力, 又有興趣, 都可以將自己/某路人甲的樣子放在水昌球內喎!)

噢~~~~~~~!

3. 我見到.......咦? 我見唔到o既?! 原來我嫁唔出!

暈..................!

所以, 非常幸運地, 世界上並沒有「水昌球」這種東西!

2008年10月21日星期二

「神奇地方」走一轉!

很久很久沒有來過了! 這個我曾經工作過的地方...
(當然不是在這個「大街酒店」工作啦! 哈哈~)
離開的時候, 小小世界還未建成......真的仿如隔世!

見到很多舊同事, 熱情地打招呼, 問我近況...
好warm呀真係! :)
阿Jack - 迪士尼今期紅人

2008年10月17日星期五

Lunch Time 2

為了不想成日都「ABC餐」這麼悶, 眾人決定搭車到附近食, 再行返去。

食飽後:

「......(吹水吹水吹水)」

「......(是非是非是非)」

「......(再吹水吹水吹水)」

喂, 得番三個字咋喎!

火女: 「請問各位, 我地行得未呢??」

終於捨得動了! 需知道走路回去都要十五分鐘的呀!

你喜歡大搖大擺遲到的話請便! 我可不喜歡!

2008年10月9日星期四

Lunch Time...

「喂夠鍾食飯咯, 出去食啦!」

「好呀!」

「食咩呢?」

「唔知呀, 食咩好呢?」

「唔好又係果d "ABC餐"囉!」

「咁又係...咁食咩好呢?」

「係啦, 食咩好呢?」

「.............」

如是者, 15分鐘過去了。

2008年10月5日星期日

浪 - 後續

我想對上司說:

「其實上一世你係唔係我個仔? 為何我會時常擔心你的呢...?」

但是事實上, 我應該問...

我是否________呀?!

(都係太敏感了這個話題...驚驚!)

2008年10月4日星期六

永恆 定律

1. 越強求越得不到; 無心插柳柳成蔭

2. 懂得珍惜的人, 有福了;
不懂得珍惜的人, 注定無運行!

寫出來不是因為我做得到, 相反, 是要不斷提醒自己!

2008年9月30日星期二

真的......不可不信緣?

(趁九月完結前放多個post先:p)
.

最近有件事令我很開心, 就是用facebook聯絡上了以前在香港的中學同學!
(火女中四後就去了外國了...)
有一位男孩k, 以前曾經和我一起參加學校樂團的。最近「找到他」了!
.
於是在他的留言板上通訊:
k: Wow! Thanks for finding me. It has been long time since I have been in touch with you. How are you and where are you?

火女: Hihi I found you in Sam Wong's friends lor~ Seems that you are still loving the music! That's so good for u lei! So you are studying in the Royal Northern College of Music? Or working?

k: Nice. I studiED at the RNCM, just finished my MMus. Back in HK looking for work now, got some concerts coming up if you want to come. Will you be back to KCC for the 30th Anniversary? It's 4/12, and Almuni dinner on the 7/12.

火女: Wow....can I come?
I would really love to! It's been so long!
But I'm just afraid that no one recognise me.....wonder who I am...LOL

k: It's Tuesday 30/9 in Central City Hall Concert Hall. Although I have no comp ticket left, it would nice to see you. If not, will catch up with you and Jim, maybe the Tuesday after? He's off every Tuesday.
(阿Jim是當年另一個一起上樂團的同班同學!)

火女: So where is Jim up to now?? Is he in an orchestra or something??
14th Oct is good for me then! We can meet up for a dinner!

(當我打完這段留言, 就離線, 和朋友去吃晚飯了......)

然後, 當晚竟然遇到他! 我和他就在同一條電梯上, 但是因為十多年沒見了, 不太肯定是不是對方......

當晚他在我的留言板: Were you in Kowloon Tong just now? I think I saw you, but only like a split second when I was going up the escalator. 14th is good for me. Give me a ring some time.

我: 我估我地勁有緣囉! 我唔sure係唔係你, 跟住你又行得鬼咁快! So it was really u la, we saw each other la hahaha :D
.
世界真係細呀!!!!!!!!

2008年9月24日星期三

4J看愛情 - 于素秋篇

這四個J, 代表著四個女孩子, 學歷很相似, 背景頗接近, 只是.......各人經歷令愛情觀有所不同! 而且, 因為一套電視劇, 令她們心裡產生了一些想法.........

你會最認同哪一個?

(此文章有幾多分真, 幾多成假, 請讀者自行猜度! )

其中一個是火女, 呵呵呵~

* * * * * * * * * * * * * * * * * * * * * * * * * * *

Janet: 原來你像他

我認為「家好月圓」最好睇的莫過於凌b 同于素秋, 可能不是最好睇, 只是最吸引我而已。我一直以為是黃宗澤靚仔先吸引到我睇, 點知我終於發覺到點解咁鐘意睇, 原來情節像我和他:

b 車于素秋去屯門食豬腳薑、去南丫島食豆腐花的情節似曾相識, 咪同佢車我去西貢食糖水、去赤柱食魚旦河無分別?? 原來都是追女手段之一。

咁浪漫, 又有邊個女仔會唔 lum ? 原來個個男人都係鐘意做好多野令你愛上佢, 但最後唔會同你一齊。

劇中b 有同于素秋解釋點解唔可以同佢一齊, 雖然我同于素秋一樣都是傷心收場, 同樣同唔到鐘意的人在一起。可惜既係, 我就死得不明不白, 唔知點解佢會離開我。

Josephine: 返唔到轉頭!

, 在這世上, 又真係會有幾多個管家仔丫! 可能係「零」囉...!

曾經有一個他, 對我是最好的了! 他就好像管家仔對于素秋, 全心全意地愛我, 照顧我。可惜的是……根本我對他就係無情人的感覺!

當佢知道我喜歡上一個壞男人, 還要為那男人做了很多傻事、很多錯事; 一向對我寬容的他終於忍受不了! 憤然從我身邊離開, 無論我怎樣求他原諒都無用。

管家仔對于素秋的大量, 應該......只限於戲中吧!

那個曾對我好的他, 就這樣消失了。

Janice: 感覺沒有變?

唔明。

蛋糕那一幕最令我不解。

雖然于素秋不是因為個蛋糕而「轉軚」愛上凌b, 但那一幕是最奇怪囉! 明明和管家仔都很好了見到那個蛋糕, 反而如此無奈!

好唔明白她點解會咁快愛上另一個人! 難道愛上一個人真的如此容易??? 在我的角度看就會有點兒戲喇。

另一兒戲之處, 就是阿秋和管家仔的感情:

如果我在十多歲時經歷初戀, 相信到廿多歲時, 就算(在同學會之類)再遇到他, 都只會問問他的近況, 把他當成朋友了~ 感覺這東西, 隔了十年還會一樣嗎??? 而且, 就算我不開心, 也不會找那個他!

Jasmine: 其實玩唔起…!

我認為每個女孩子或多或少都像于素秋。當有人向她獻殷勤, 她會歡喜得飄飄然; 當有人無條件對他好, 她會很受落 (雖然感覺內疚)

她雖然是一個很善良老實的人, 但是其實她也自私! 也貪心! 最終的失敗原因, 只是她玩唔起又要學人玩而已! 既然選擇了這樣的感情, 就應該知道遊戲規則! 應該預計到結局是如何! 沒有用手段爭取凌b不特止, 當人家走了又要裝可憐, 有失身份!

所以我認為她是失敗的!

所以我討厭她!

, 實在不配得到管家仔的愛!

2008年9月19日星期五

妙!

白兔強姦了一隻熟睡中的狼, 狼怒而追之.

白兔將毛染灰, 假裝看報.

狼: "看到一隻白兔嗎?"

兔子: "是那隻強姦了狼的白兔嗎?"

狼: "這麼快就見報啦?!"

2008年9月17日星期三

雷曼兄弟破產

一定影響全世界!
.
我沒買股票, 所以可以食花生睇戲?
.
幾難啦!!!

2008年9月14日星期日

2008年9月10日星期三

茫茫大海中, 我在漂浮, 漂浮......不知道自己想漂到哪裡!

載浮載沉了這麼久, 有時會靠一些爛膠袋、垃圾、小雜物等等依靠著。試過依著一個爛魚網, 怎料原來是「魔鬼網」, 險些把我拉下水底送了命!

浮下~浮下~

浮下~浮下~

不知不覺中, 我給一個水泡圈住了......一個軟綿綿的, 感覺很安全的水泡...難道, 好運真的來了? 我像普通一個沙灘中的弄潮兒, 舒適地躺於水中......

突然, 一個巨浪向我「冚」了過來!

水泡被沖走了!

.

.

.

原來值得慶幸的是, 這是一個看得見的浪, 而不是陰陰濕濕的暗湧..........

2008年9月5日星期五

過雲雨

今早的一陣雨, 把我的鞋頭沾濕了......

張敬軒 - 有著令人感動的歌聲~

2008年9月3日星期三

妳不是一個好的美容師

Dear Sandy,


很久沒見了, 妳好嗎?

妳幫我做facial, 都應該有一年吧! 記得妳我的年紀差不多, 妳這樣年輕就已經是一個專業的美容師了!

當時和妳, 是有很多話題的, 例如拍拖的去處啦, 儲錢結婚的心得啦, NDS有甚麼好玩的遊戲等等! 就好像一對朋友! 可惜, 我一直都沒有問妳拿電話號碼。

妳好像會在今年年尾結婚? 我真的有認真想過要參加妳的婚禮.........

我自從三月轉了新工, 都因為懶/忙, 有一段時間沒上來做facial;

到我覺得「唔得我d皮膚真係好鬼差, 真係要搞搞佢喇!」的時候已經是八月了! 可是.......當我想再去找妳之際........妳已經走了!

美容院老闆說「我唔知呀佢之前去完台灣旅行就打電話俾我話佢唔做, 跟住就消失不見了....」如此玄妙?!

所以, 我在再找不到妳的情況下, 連道別都沒有, 就此失去聯絡!

此後每當其他美容師為我做facial時, 我忍不住, 想念妳...........

想起妳為我針清時, 一邊說「嘩! 好污漕呀你塊面!」加上把擠出來的東西給我看, 哈哈.....雖然好痛但不失有趣 (男士們可能覺得這樣很變態吧!)

我覺得我和妳在這方面真的很夾!



Dear Candy,


妳是繼Sandy走後, 美容院安排給我的。老實說, 你是我遇過最不濟的一位......

妳身為美容師, 怎可以不為自己「搞下個look」? 怎可以容忍自己的外型像一個農婦? 實在太樸素了吧...妳帶起的話題亦非常公式、十分老土......

而妳說自己有多年做facial經驗......可惜妳為我「清潔」的時候, 好像馬虎了一點! 我當晚回家後, 還看得到自己臉上有不少的「黑頭」!

妳還夠膽一見面就sell我一支精華素, 價值一百大元。

須知道要不是我早已買了整套套票........而每次的facial其實已經要四百多元了!

同樣的護膚品, 為甚麼妳幫我塗上後一點起息都沒有?

幸好, 妳的老闆應該也察覺到了, 不用我親自開口就換了另一人了......



Dear Michelle,


妳好, 雖然我們前日才第一次見面, 但我對妳的第一印象是.....

妳是個很溫柔的人, 為我做每一個步驟時都會說「拿, 我宜家幫你咩咩咩喇」、「等我宜家開個臭氧機幫你消下毒先」好好.....

但妳又何必急不及待要我買一套十支精華素呢?? 我已經不再是以前那個不懂得儲蓄是何物, 花錢如流水的小妹妹了, 就算妳用了整晚時間遊說我, 我也只是會買一支, 因為實在怕煩........

妳令我對美容這件事, 害怕了...!

看來我會暫別這間美容院了吧!

2008年8月29日星期五

王一梅




自從看完女排之後, 朋友/家人紛紛話我似王一梅!




她是中國國家隊的一顆新星~ 「一」是她的幸運號碼!

她只是一個二十歲的小妹妹! 雖然她有196cm高....你睇! 她在教練旁邊好似怕怕醜咁!


唔講你未必知! 其實她已經減左肥的了!!!

其實我唔介意似王一梅, 仲幾榮幸! 因為佢有球技, 波打得咁鬼叻; 而且個人又好, 又謙虛! 佢父母好似都幾錫佢添!

So creative!

今日, 火女送一幅書本塗鴉的日本代表作品給大家觀賞~
笑死我架!

2008年8月25日星期一

對唔住, 我可能真係好涼薄、太主觀

家人掟西瓜入海 盼早日尋回遺骸 夫浪捲失蹤 妻哀喚招魂
(星島)8月25日 星期一 05:30
「你返嚟,你快些返嚟……」颱風「鸚鵡」期間在大浪灣 游水失蹤的銀行高層,至今仍未尋回,事主妻子與親友昨以民間習俗「掟西瓜」尋人,消防潛水員及飛行服務隊 繼續展開海空搜索,由於海底暗湧不斷令視野不清,搜索進展緩慢,經十五小時未有結果,今晨會再進行。

  記者:張榮光 梁森

  佛教華夏中醫學院院長何樹勛女婿麥海昌,上周五九號風球高懸時到大浪灣游泳被大浪捲走,至今仍未尋回,家人相信他生存機會渺茫。麥的妻子昨身穿黑衣服到現場「撒溪錢」及「掟西瓜」,拜祭期間不停哭泣呼喚丈夫名字,希望丈夫屍體早日浮出。

  三十六歲的麥海昌,失蹤至今已三天,當日麥妻目睹丈夫遇事激動得幾乎暈厥,其後要到醫院接受治理,留醫一天後才出院。昨晨十一時許,麥妻與親叔及三男一女親友,攜同一個西瓜及香燭冥鏹抵達大浪灣出事現場,麥妻穿黑色衣服表現哀傷,更不停以紙巾抹淚。

麥妻先與女親友到沙灘瞭望台上,以悲傷眼神望向吞噬其夫的大海,不斷「撒溪錢」及呼喚丈夫名字,而麥的親叔及三名男親友,則攜西瓜沿沙灘旁的梯級走上崖邊,將西瓜掟入海中。

  海底視野不清 搜索無着
  隨後,眾親友集合瞭望台,由麥妻焚香拜祭,期間麥妻難忍傷痛心情,憑欄放聲大叫:「你返嚟,你快些返嚟……」各人逗留半小時,再到沙灘救傷站搜索隊指揮處,向在場人員查問情況後始離去。

  另外,消防處 海事處 昨晨五時許天亮後,再展開大規模搜索,消防分別在陸路及海面,沿沙灘兩邊及以船隻來回游弋,蛙人潛水隊在浮波外分批下海;而飛行服務隊派出直升機及定翼機在上空盤旋。

  據消防潛水人員指出,天氣雖然轉晴,但海底仍有暗湧打起泥沙,令海底視野能見度只有半米,故蛙人只能憑觸摸搜索,進展不理想。搜索行動至晚上八時結束,今日會再繼續。




點解, 點解你九號風球出去玩浪? 因為你很喜歡暴風中的海? 喜歡看浪, 情有可原。離遠看囉!!

定係你真係好趕, 怕大好週末浪費了? 等唔切星期日的太陽? 就算個天看似無風細雨, 你唔知個海會有暗流架?

其實你知否, 如果萬一有人失蹤了, 消防/有關機構是要花費多少人力物力及心血去尋找? 而且搜索人員自己也是被迫冒著生命危險去找人的!

有好多人就算病重, 他們都非常珍惜生命; 可是就是有人喜歡玩命!

不想再說了。妖。

2008年8月18日星期一

我不是極端環保份子, 但我愛惜我的地球!

以下是一些我在日常生活會做的環保小動作:

我很少用頭髮造型用品。這些造型品內含一種物質, 會破壞我們的臭氧層!

洗澡時, 不用浴缸, 只用花灑, 而且五分鐘內沖好;

可能你會覺得我很奇怪, 我平時用面紙, 是會一分為二, 每次用半張的!

而最重要而又簡單易做的, 是少用膠袋。

平時我會在手袋內放一個購物袋, 以便去超市購物時用。

工作中的女孩子, 有時也會在午飯時間, 出去買些小東西小零食吧! 不妨自備一個小小的漂亮的購物袋, 這樣既美觀又實用, 包你心情都「變靚啲」!

如果真的沒帶購物袋, 超市給我的膠袋我是會留起的, 作為垃圾袋或我游泳後放濕泳衣的袋!

上次去書展, 我也帶了一個又大又精美的布袋放書, 不用在書攤A書攤B書攤C拿一個個的膠袋~

如果有太多用不完的, 我會把它們和其他鋁鑵/膠樽們放在回收箱裡。

前天, 我看見媽媽把廁紙的包裝膠收集, 準備拿到回收箱去...我忍不住說了她一句: 「駛唔駛呀妳!」

媽媽立即說:「莫以善小而不為, 莫以惡小而為之呀!」

就是這一片薄薄的, 小小的膠片, 令我明白我的環保意識是從何來的了。

2008年8月14日星期四

港女的疑惑

最近, 美美看了陳大文及卡臣的blog後, 覺得......好疑惑!

(其實, 我係唔係一個港女??)

於是, 她立即打電話給男朋友明仔, 問佢:

「我平時係唔係咀miu miu架?」「係架!」

「咁, 我平時有冇眼厲厲?」「都有喎!」

「咁, 我有冇成日嘖嘖聲?」「咁你又唔會!」

(死! 三樣中兩樣!)

「但係我係淨係對住你先眼厲咀miu啫, 對陌生人應該唔會的喎......」

「係咩...但又有咩關係?」明仔好奇。除了打機, 睇波, 他好像沒有看blog的習慣!

「冇呀, 我睇blog呀, d人話港式女仔係咁架! ......我唔想做港女!」

美美再補充:「但係我一d名牌都唔好喎! 而且我都冇電男仔, 又冇希望你係乜乜乜青年才俊!.........不過, 我係唔係成日認叻?」

「你呀...都幾鍾意認叻架。但係有關係咩?你宜家咁樣幾好呀。」

「咁我問你, 我會唔會好難頂?」

正當美美一心認為明仔不敢說「是」之時, 怎料明仔答:

「你超難頂呀!」

「下? 咩話?!?!?!?!」

「鬼叫你成日發脾氣呀?」

「咁...我再問你, 我可愛o既時間多d定難頂o既時間多d?」

「咁緊係可愛多d啦, 如果唔係我都唔會要你啦~!」

「哼, 算你啦!」

收線後, 美美心裡想: 算啦! 我應該都......唔係一個港女黎!

2008年8月12日星期二

見爸爸講夢, 我又講;

以下並非老作, 真係火女夢過架!

1. 我在舊屋的廚房, 想為家人煮飯。正當我準備的時候, 突然! 出現了一條大網蛇, 有大腿般粗! 唔記得幾長! 它好似想向我撲過來! 於是我用一把刀仔(!), 把它殺了, 還將它的頭割了下來! (平時的我, 看見小昆蟲都怕得要死!)

我把它的身捲起, 放入一個超市膠袋內, 而個頭就咁放在昇盤......稍後我再煮飯, 但可能因為嚇壞了, 唔知煮左d咩!

醒後感: 點解唔煮蛇羹呢我?!

聽聞夢蛇代表有壓力?! 有沒有高人幫我解解? (吹下水都好呀)

2. 和前男友分了手已經超過兩年, 可是為何, 那天向別人提起了他一下, 夜晚便立即夢到他........

話說我已經幾個月沒聯絡過他, 只知他交了新女朋友, 相處得也很好!

可是我夢到和他在某沙灘漫步, 當我問他近況如何時, 他很用力地拖著我的手, 答我上年年尾和女友已經分手了! 我的心除了驚訝, 好像還有一絲絲歡喜........

醒後感: 太黑心了吧! 火女你?

2008年8月6日星期三

八號東南烈風訊號現正生效

火女家向正東南, 所以..............

呼! 呼! 呼! 呼! 呼! 呼!!! 好大的風!!

在家裡, 偷得浮生半日閒, 看看電視, 做做運動!

唔知各bogger今天又是怎樣過的呢?

2008年8月4日星期一

會考放榜...

會考放榜離我越來越遠......(其實從沒有很接近過)

我最有印象的放榜, 只是陪朋友去找學校......還要是多年前了啦!

聽說今年又十五個狀元, 真係「後生可畏」啊~

(哈哈, 只是一個無聊人在這個日子寫的一些無聊廢話!)

2008年7月31日星期四

為何要...加我?

有些人, 應該會以facebook的friend list有很多很多人, 而沾沾自喜吧!

(我有好多「朋友」架, 哈哈!!!)

但是, 三百人甚至四百人, 又有多少個係你真正朋友呢? 只是認識或見過一面的人都要加入為「朋友」嗎?

曾經見過有一位仁兄, 在我某靚女朋友的照片上留言, 而我也剛巧有在那照片裡留言。看他的語氣, 應該係「白撞、識女仔」那種人; 並不是真的認識我朋友。再看他的friend list, 嘩百多人清一式後生女仔, 仲要係性感自拍那些!

過了一天, 他竟然想和我「做朋友」!我當然是立即把這request 給ignore了!

* * * * * * * * * * * * * * * * * * * * * * * * *

昨天開facebook, 見到有一個叫Jonathan的人想要「成為我的朋友」
我以前是認識過一位Jonathan的......也只是中學的一個師兄而已
我以為是他, 基於禮貌, 我應承了, 那以後也可以知道一下他的近況.......好像十年沒見過了?

怎料...這個人...竟然是我上年做的那份短期工的同事的男朋友!我甚至連他一眼都未見過呢!(ok, 我看過他的照片一次, 哼...)

我和那個舊同事, 也未能稱得上很熟!

這個「加入」的舉動, 究竟是為什麼呢..................就為了「擴大版圖」?!

另外, 大家知唔知, facebook有一個可以加入你和朋友如何認識的function, 可以選擇一起讀書/一起工作/一起join過某某club......等等

有一項是: you are not friends with him/her
如果你click這項, facebook就會話你: 咁你又add佢?! 然後會建議你刪除這個人的!
好好笑的, 哈哈哈!

2008年7月29日星期二

如此一間公司


不想說它的任何壞話, 只是, 希望能盡快盡快, 培養出一丁點的歸屬感!

2008年7月19日星期六

我怕......因為我喜歡!

自從網爸問我去不去打球之後,我想了又想,想了又想......

其實,我對網友們是有一種特別感覺、特別幻想的-有時我會想,會不會有某位網友,其實是我的小學同學?!

又有沒有可能,某位我很傾慕的blogger其實是一位我不太喜歡的舊同事?!

若果「相認」了,大家關係又會變成怎樣??

網友對我的想像/期望又是怎樣?見了我的真面目,會失望嗎?

現時還未太想得通,所以,老實說,我害怕見人...

但又只因,我真的喜歡你們!

2008年7月17日星期四

我的目標 (二月的 draft)

原來自己曾經寫了這個
(...)為現在的想法

超短期目標 :盡快找到新工作,找到自己的路
(依然沒有達成?! 天呀~!)

短期目標:減肥-其實我討厭這樣說,就好似一般成條柴似的香港女孩子時常叫嚷要減肥咁;不過,我好似已經到了影響健康的地步...所以...以一個新形象迎接這個夏天。
(依然沒有達成?! 天呀~!)

中期目標:在自己生日的六月份去影一緝「靚得來老土」攝影集-如果短期目標真的達成了,就當然 perfect啦!
作為廿六歲的生日禮物,約定你一齊喇,JoJo!
(依然沒有達成?! 天呀~!好在JoJo還在我身邊!)

長遠目標:...如果想到再講!
(不敢去想了!)

想想看, 你會否有此煩惱?

轉貼自網友肥彭...

CEO實戰手記:中產煩惱之結不結婚好?

今天,我首先要說的是:結婚還是不結婚好?在解讀這個問題前,我想先跟大家分享一個小故事:我有一個朋友,他月入十萬,剛剛完成一層物業的供款,準備再置業,再繼續供款。他有一個頗賢淑的女朋友,在大學的年代已經結識,同居也有五年多。但往往在他的女朋友逼婚時,他都會有一個藉口,就是「層樓未供完,供完再算」。直至最近,他的女朋友跟他分手,理由是:「我要結婚了」。這個打擊,對我這個認識多年的朋友來說,十分之沉重和錯愕。他從來沒有發覺他的同居女朋友,竟會有第三者追求,也不覺得有一個可靠的人可以令她立刻結婚。

有部分中產只懂工作,沒有危機意識,就好像「溫水煮蛙」,低估了環境改變的因素,高估了自己的優勢。這個小故事,在七百萬人口的香港?面,比比皆是。最主要的原因,很多人沒有勇氣和自信心去面對婚姻的契約,有一萬個理由去逃避,很自私地要伴侶陪伴?自己,繼續過沒有名份,但同居的生活。

有很多中產人士在他們中學或者是大學時代,已經找到可以談婚論嫁的對象,生命的另一半。但當大家都不願踏入教堂,反而將大家相處的大好條件,變成「幸福就是必然的」,就沒有好好考慮到,婚姻的契約,以及束縛背後的承諾。結果是用「拖字訣」,希望「拖得就拖,遲得便遲」,到了最後,便是分手收場。

有位經濟學家格萊興的法則(Gresham's Law)當中,有一個理論稱為「劣幣驅逐良幣」(Bad money drives out good) 。在16世紀中葉的英國,伊麗莎白女皇當政,她有一位顧問,就是Sir Thomas Gresham(葛氏)。這位爵爺察覺到,市場上有品質差劣的貴金屬貨幣在市場上流通,但「足金」的貨幣卻被市民據為己有、收藏、溶化成金屬塊、甚至被轉運出口。

換句話說,即是「Good deal never stay long」。好的東西不會在市場出現太久的時間,所以每個人都應該把握身邊好的伴侶。因為好的伴侶,就等同於好的買賣。高質素的產品,永遠都在市場上求過於供,都是屬於「搶手貨」。當你有一個好的伴侶,同一時間,她亦在市場上,相對性地是一件「搶手貨」,奇貨可居,一定不乏慧眼之士。你不願去承諾情定終生,步入教堂。當其他的追求者出現,因為都能夠給予相應的條件,所以你的伴侶面對追求者時,便會出現一剎那的「當機立斷」,去決定離開你,到了伴侶走了以後,你才會懂得珍惜,這樣,你說是否跟自己過意不去呢?

以前的年代,在一個戰後的香港,每個人都是辛勞工作、為口奔馳,住的是徙置區、木屋區,但他們都有勇氣去結婚,否則現在的香港哪有這麼富俗呢?現時的年輕人,每樣都要Well Plan(好好計劃),不如就No Plan,因為感情事就始終是感情,不是移民一樣有分得計,反而太多計劃的話便失去人性及感性的元素。反觀中產人士,他們生活於一個安穩 (Stable)的年代,擁有良好的經濟環境,以及在有保障的社會環境之下,卻又諸多憂慮,沒有信心去面對人生大事,「船頭驚鬼,船尾驚賊」,到了最後,結不成婚,分手收場,更弄致朋友的關係也不保,那又何苦呢?所以,我奉勸大家請珍惜眼前人,有好的伴侶就不要等了,結婚不一定要在酒店舉行婚禮、更加不一定要出國旅行、或穿漂亮的婚紗、拍美麗的婚紗相,最關鍵是你的人生已經展開另外一個新階段。

2008年7月9日星期三

寧願被拒絕

求職, 最怕等待, 最怕被人給了一個假的希望。

是以, 我情願他們及早通知我, 我不適合!

這樣我就可以快點振作, 重新上路!

火女最討厭拖泥帶水的了...

2008年7月4日星期五

天灰

心裡的天, 很灰很灰......

運動能令我精神些!

2008年6月29日星期日

生日快樂...


廿六歲了! 感覺依然一事無成...


猶幸身邊還有一大班愛我的家人、好友, 是我人生之最大得著!


要走的, 還有漫漫長路, blogger共勉!

2008年6月21日星期六

我回來了

這個多了來, 我在網界「潛水」了...因為新工作很忙!

但是我忙得很開心! 幼稚園真的有很多可愛小朋友!


然而......

我被人炒尤魚了! 唉!! 工作運糟透......

天呀!

2008年5月15日星期四

整整十五日, 像失了蹤

在這十五日, 天災發生了。

身體很忙......內心沉重!

2008年5月1日星期四

阿伯殺手?

想穿起低胸裝
吸引男孩目光
進知只引來了
阿伯斜視眼光!

2008年4月29日星期二

十分無聊, 但.........我笑了!

yahoo竟然有人拍賣金象米,請留意對答,笑死我!
問題1
ryan2****** (6) : 甚麼地方交收?你有多少數量? 2008-04-05 16:57
jackywong666 (18) : 大量, 屯門區交收 2008-04-05 19:42
問題2
roller_coaster2**** (7) : 入面有幾多粒米? 2008-04-05 18:09
jackywong666 (18) : 你有冇電子磅? 有既睇下一米幾重自己除一除啦 2008-04-05 19:41
roller_coaster2**** (7) : 冇喎,你計到有幾多粒 2008-04-05 20:50
jackywong666 (18) : 我估點都有1万以上! 2008-04-06 00:01
問題3
rgoodtake2**** (76) : 有無金鳳米呀? 2008-04-05 22:20
jackywong666 (18) : 有呀!都係70蚊! 2008-04-06 00:01
rgoodtake2**** (76) : 咁有無雙羊白搭米呀 2008-04-06 00:07
jackywong666 (18) : 有丫!糙米白米紅米都有呀! 2008-04-06 00:11
rgoodtake2**** (76) : 唔知雙羊白搭米可唔可以搭意粉呢?其實你有幾多貨呢?因為我想開一間西餐廳 2008-04-06 00:12
jackywong666 (18) : 搭通粉仲好呀! 我D貨多到開酒樓都OK架 2008-04-06 00:13
rgoodtake2**** (76) : 唔好,你咁西...洋化.....岩晒開西餐廳啦,開酒樓浪費左你既天份 2008-04-06 00:15
jackywong666 (18) : 你係咪買架 2008-04-06 00:16
rgoodtake2**** (76) : 我多口吹下水姐,順便格下價,其實我教你一條一本萬利既好計.你將d米一粒粒咁種,假設一粒米生多十粒出黎,你一百包米就變一千,一千就變一萬,如此這般去到一兆包,你仲唔發達? 2008-04-06 00:19
jackywong666 (18) : 咁我2千万賣一包俾你啦,可以賺一兆包番黎架 2008-04-06 00:20
問題4
hkbn_****** (無) : 呢排唔係好夠錢我可唔可以剩係買20粒 20粒幾多錢? 有冇直接bid價 2008-04-06 00:17
jackywong666 (18) : 你班膠登仔唔好阻住做生意喎 ) 2008-04-06 00:19
問題5
comemon4***** (無) : 有冇谷牛賣?我個女想養^^ 2008-04-06 00:20
jackywong666 (18) : 金香牌就有谷牛, 有谷牛貴5蚊 2008-04-06 00:22
comemon4***** (無) : 今可唔可以買谷牛送米?谷牛5蚊? 2008-04-06 00:23
jackywong666 (18) : 送條毛俾你就得, 送米我好蝕架 2008-04-06 00:23
問題6
lam_chi_***** (17) : 巴打,唔好上網搵圖咁無誠意,介唔介意影你個倉出黎? 2008-04-06 00:29
jackywong666 (18) : 影個倉出黎我怕天水圍班c9去搶呀 2008-04-06 00:32
問題7
samuel0***** (-1) : 我想買一千包呀..有冇得平d?因為我間工廠有好多工人等開飯..可唔可以叫fedix送黎..叫佢搵工場的張就得.. 2008-04-06 00:29
jackywong666 (18) : 那一個張? 2008-04-06 00:31
問題8
im2h****** (1) : 我想問米, 邊隻米最岩用 2008-04-06 00:32
jackywong666 (18) : 問米緊係金像啦方力申用佢黎問米架 2008-04-06 00:33
問題9
louii**** (無) : 我想要酒米,你有冇? 2008-04-06 00:36
jackywong666 (18) : 自己係鼻頭掘啦

2008年4月28日星期一

趁四月完結之前多寫一篇!

時間真的飛逝!

上了新工有一個月, 開始穩定了下來!

其實我現在......是有半隻腳踩進教育界了! 工作時是會看到小小的「小豆丁」未來社會棟樑! 不過, 我並不是負責教他們, 而是屬於 admin support team!

現在, 很喜歡新工作, 也感覺自己終於有一條穩定的前路了!

雖然, 我日常的工作是瑣碎得不能再瑣碎, 我也沒有大學畢業生的「萬七蚊人工」......

但是我會一步一步的, 努力向前進!

我又玩!

何水無魚?何山無石?何樹無枝?何子無父?何女無夫?何城無市?


糖水無魚

假山無石

建樹無枝

蓮子無父

醜女無夫

怪城無市


......好難呀!!


都係畫畫較容易! 因緣際會, 上了一課水墨畫課, 在短短的課堂內畫了兩幅畫!


左: 生平第一幅水墨畫; 右: 生平第二幅水墨畫 (!)

2008年4月21日星期一

伍晃榮病逝...

事件發生不久, 我就在電視新聞看到了。伍生走得都好突然, 享年67歲。

伍先生真的是一個「傳奇」的講波佬, 獨有佢一套的風格! 本來不看足球的我都會被他的聲音吸引!原來他三年前就正式退休了, 不過我總覺得好似不久之前才聽到過佢講波!

在新聞裡看到, 伍生的兩個仔, 向傳媒交代: "佢走得好安詳"......."我好 proud of 我爸爸"....! 跟住就眼紅紅講唔出d咩了。

其實他的兩個仔都好後生, 最多三十多歲......突然有一陣恐懼感湧上我心頭!

我就快廿六歲了......

.

.

.

.

.

.

.

爸爸 (真爸和網爸), 我唔準你咁早離我地而去架! 你起碼要活到一百歲先可以死!!

2008年4月18日星期五

一號風球了.....

我希望, 它不會再增強! 颱風帶來的壞影響不少呢! (雖然, 我都有丁點希望放多一天假, 等我可以好好寫/看 blog! 工作實在太忙啦!)

真的好想寫 blog. 掛念你們!

2008年4月11日星期五

其實我好喜歡扮鬼扮馬...



知道自己姿色平庸, 於是扮鬼扮馬來突圍! 哈哈哈!

又或是我天生怕悶, 所以不太肯"企定定"來拍個照?!

2008年4月7日星期一

山中方一日




越來越多朋友喜歡郊遊, 所以我趁著假期, 也跟著他們到郊外走走!

城門水塘山路平坦, 景色怡人, 加上微風輕吹~ 十分舒暢!

就算用 "傻瓜機", 拍出來的照片也不賴! 都市人, 多到郊外吧!

2008年3月27日星期四

內有乾坤!

趁著復活節假期, 週圍去!

去了旺角花園街的一間麵店, 它的招牌菜是"花膠肉丸"...

這般有趣?! 真的有花膠? 是傳說中的"爆醬賴廖"肉丸嗎?



好大粒的肉丸呀~ 而且裡面真的有花膠湯! 神奇!

不過一碗三十元我就認為......有點貴!


2008年3月18日星期二

這些人, 真有才華!

fit 到嘔 (將進酒) 作者: 不詳; 來源: facebook
君不見肥婆「徙屎」KEEP 住來 纖形美腿不復回
君不見高堂明鏡悲白髮 身如豬嘜面如鴨
人生FIT爆須盡KEEP 莫使新衫唧腩肉
天生我肥真冇用 脂肪散盡還復來
烹羊宰牛且為樂 一日食足三百餐
姣拉陳 KARAN MOK FIT到嘔 咁就型
與君鳩UP餐 請君為我傾耳聽
抽取腩肉何Q貴 但願長瘦不願減
古來豬扒皆寂寞 唯有欣宜留其名
肥婆昔時上螢幕 觀眾十千似被虐
本人何時唔少錢 逕須沽取「快纖秀」
五花腩 千斤油
YOGA高溫焗佢走 冇晒肥膏仲駛愁

2008年3月12日星期三

自我修復系統, 再次開動!!!

上個星期我很勤力, 在一日內去了兩個甚至三個面試, 但是回報是......

要等一個小時才見我的人, 其實我沒所謂, 但是為何說會請我, 但原來是謊話? 她是否會對每個應徵者都說同樣的話?? 等待是真的真的最煩人!

另一間公司也很有趣, 是一間教跳舞的, 完全沒有行政架構的。雖然老闆娘認為我很適合做她的"助手", 但我還是怕怕了! (以前曾經在一間類似的公司做過, 結果是...一團糟)

其實在這樣的一間公司當 "開國功臣", 必定能夠學到比我想像還要多的東西吧! 但是我拒絕了....是怕辛苦嗎? 是怕不安定嗎? 究竟我想點...究竟我想做甚麼?!?!?!

銀行戶口數字又一直一直創新低, 似乎快要捱不住......


今次, 我的"自我修復系統"可能要用多一點點時間才"清理"完我的情緒。不過, 原來加上一些外來輔助, 也是可行的!

這一天, 爸爸請我去吃下午茶, 雖然只是一件西多士, 但卻很甜很美味!

吃完後, 我獨自走回家。火女家住新界北, 樹木特別多! 沿途欣賞樹木, 享受陽光, 真有神奇的事發生: 煩惱果然真的慢慢消失了! 我很感恩, 自己四肢健全, 五官正常, 有健康的身體可以感受這一切! 我的未來還有十分長的日子!

我知道, 有一天, 我一定能夠找到適合我的工作, 幹一番事業的!

2008年3月10日星期一

片言隻字...

恭賀米生弄瓦之喜!

2008年3月3日星期一

我的近況

其實近來我一切都好, 只是忙, 只是累, 只是不太有心情看 / 寫 blog...

現在每天發出五封求職信, 一個星期有二至三次見工, 只是怎樣也避不過要見那些 agent。我對 agent是有一些看法的, 因為被他們騙過嘛! 而且我不覺得他們是真心要幫助求職者的。唉, 算吧!

我最近還在沉迷於"煲劇", 劇中的浪漫情節, 有如流沙, 把我吸進去了! 我也知道這樣不太好, 哈哈!

我也有為自己設立一些短期, 和極之短期的目標, 下次再說囉!

2008年2月22日星期五

我是人力市場中的...

我是人力市場中的賣剩庶, 籮底橙, 一輪招聘之後剩下的, 沒人想要的;

如果不是, 又為何工作運會這樣差, 而且被無良 agent騙了去 interview我最不願意做的......理財顧問?!

對於warm call, cold call有何睇法, 我只能夠答:.......我不喜歡!

見完工真的很氣餒, 氣自己時常這樣!

不過, 好彩我的"自我修復系統"開動, 開解了自己! 之後就沒事了!

希望我快快搵到工啦! 嗚!

2008年2月18日星期一

怪詩解讀

呢......即係呢......

好似周星馳"唐伯虎點秋香"內的賣身契咁囉~~~

哈哈。

2008年2月14日星期四

情人節怪詩一首

願望是甚麼?
天上大間, 想得到的何其多
下年, 下月, 下天, 沒人能夠知道未來
有緣份, 有機會, 記得要捉住
情, 應當是世上最珍貴的東西
人越大, 越明白要珍惜的道理
終於, 屬於你的會走向你
成就, 便是這麼一回事罷
眷顧你的情人, 如同眷顧你自己
淑女君子, 不用分彼此!

2008年2月11日星期一

休息幾日, 初五啟市~

哈! 各位好! 新年快樂!

其實我是有一點點尷尬的, 因為"消失"好幾天了...! 網友們的留言, 都趕不及回覆!

發覺了, 果然, 沒有工作的時候, 在家裡會有很多很多其他事做呢! 連看blog的時間都少了......

在鼠年, 希望自己早日找到新工作啦! 不要時常胡思亂想!


在此對網友有幾句說話~

爸爸: 遲d放一些我真阿爸的照片上來~ 我覺得佢都依然有型喎! 你一定都係啦!

娜姐姐: 多謝你支歌仔, 不過唔知係唔係我遲左上來, 聽唔到呢......

火仔: 結義金蘭? 都幾好架, 嘻嘻!

小朱: 希望新一年, 你都開心d啦~

c.m.: 祝你個女越大越靚, 越來越乖!

karen(sze): 都祝你心想事成!

Morca: 我其實未必係你想像中咁斯文~~~

仲有未提名的網友們: 財源廣進未必最重要, 身體健康才是最緊要!
唔好因為搵錢而挨壞身體呀!

2008年1月31日星期四

寒冷天氣, 溫暖 last day

噢, 不經不覺, 又last day! (我經歷過多個last day啦其實...)


這個last day, 天氣異常寒冷; 但我的心卻溫暖!


工作量不算多 (有冇人在 last day依然辛勤工作架?), 還有空和同事通 email, 交換聯絡方法 (雖然都未必會...), 睇下 blog和思考一下 IQ題!


大陸廠的同事都說不捨得我, 幾好笑~


連續三日有人請食飯, 哈哈我真幸運 (唔講唔知, 原來我應該 **"回禮"), 臨走前又拍攝留念! 突然覺得此處人情味爆棚...


喜歡這裡是非不多, 人簡單;
無奈天下無不散之筵席;
唯有宜家寫 blog為証, 就算忘記, 也可重溫...



**原來這公司的傳統是, 當有人走時, 就會有同事請食飯; 但係走那位同事要派 "事後餅"...即是要買一打西餅作回禮!

2008年1月29日星期二

一天都光晒 (?!)

上個星期, 真是足以把人嚇壞的一個星期......



表姐和男友分開個多月了, 原來, 她一直很不開心, 很不甘心。她說, 拍拖四年, 為那個男人做了很多, 也有打算在這一兩年內結婚, 怎料最後自己遭到拋棄! 一個月以來, 她每晚都在哭, 她的情緒已經嚴重影響到工作表現了......

她遲到早退, 工作出錯, 粗心大意, 引來"阿姐"的不滿。 (那個女人剛剛好在表姐失戀期間入職, 所以只見到她最差的一面) 有一次, 她當著眾人面前罵她, 就這樣, 她, 就爆發了........



她們同事們面前大哭大叫, 崩潰了,

之後, 就連自己怎樣回家也不記得

笑完又哭, 哭完又笑, 也不記得

不記得聽到有很多奇怪的聲音

不記得曾經說了 "媽媽和自己被鬼上身了"之類的說話

不記得究竟是誰, 送了她入醫院, 是公司同事還是家人? 如果是公司同事就慘了, "他們一定覺得我是傻婆"......

她不記得了, 對她或許是件好事, 但真的嚇壞, 擔心死我們了!

原來, 積聚了的壓力和不快, 真的會令人爆發! 她患上了思覺失調。

我去醫院探她, 見到她不斷重覆"你點同我老細請假? 嗚我好驚冇左份工呀!...嗚..."一路講一路哭, 我同自己講 "忍住呀...." 我和小表姐 (她的妹妹)一定要更堅強, 否則, 誰會照顧她呢??

我發覺, 自己在二月沒有工作, 是天意? 是要我可以盡量陪伴她嗎?

萬幸, 在醫院一個星期, 她好轉了不少! 醫生說, 這個病的病徵是可以 "一拖就幾十年, 留在醫院一世", 也可以"快來快去", 好得非常快的! 希望表姐是後者!

她打電話給我, 雖然每次都是問我公司的人知否她患了情緒病等等, 但是我聽得出她真的是一日比一日正常, 一日比一日好! 她甚至可以下星期去上班了!

就算她出院了, 我還是會盡量陪她的。


陳大文說過, 寫 blog要有目的, 有主旨;

我寫 blog的目的, 是要發洩自己的感情, 學渣老闆話齋, 要"排洪"

而這一篇的主旨是, 原來情緒病和你的距離, 並不是很遠! 當你的親人﹑朋友遇到錯折時, 不要吝嗇你的關心; 要多關注身邊的人! 甚至如果自己遭遇到不快事, 記得找人分擔!

這種病, 真的是一發, 就有可能不可收拾的!

2008年1月24日星期四

去電影網頁看, 搞左d咁既野......

這套戲不錯, 幾好笑! 適合女孩子看的呀~!

2008年1月23日星期三

酸酸的

星期一(和二): 媽媽入院檢驗, 包括照肺﹑驗血﹑"磁力共震"...

媽媽說, 本來"磁力共震"是不會痛的, 但因為要照得清楚些, 姑娘打入了 "顯映液"...... 因為打在頸部, 所以真的痛!

我在公司和她通電話, 聽著聽著, 鼻頭開始酸酸的......

報告幾天後才有, 但已經知道驗血結果, 她有一點點膽固醇偏高 (應該普遍都市人也有吧), 其他正常。

心頭的石始終未放下。

星期二: 原本約了一個朋友吃飯, JoJo突然傳短訊來, 想要見我, 於是加入我和朋友的飯聚 (她之前不認識這個朋友), 我感到她有少許不尋常, 因為她平常不會這樣的, 吃完飯還去找其他朋友, 明顯不想回家!

原來這個傻妹昨天去見了深深傷害過她的前男友, 他對她很冷淡...

她說, 沒有傷心, 只是感到很"囈"悶。但我見她說起他的時候, 雙眼還是紅了!

鼻頭又開始酸酸的......

星期三: 剛失戀的表姐 (又係失戀?!)個妹 (?!) 打來, 哭著說她家姐發了癲......

唉, 這幾天究竟是甚麼日字呢? 天狗食日?!

只知身邊的人有事, 比我自己有事更難受!

2008年1月18日星期五

病變

火女曾經在一間小學當 part-time功課輔導班導師, 即是教教那些小朋友做功課, 溫習默書等等。當時的對象是三年級學生, 他們應該是九歲吧!


每天那兩個多小時, 就看著他們做功課, 不過這也不容易呀, 因為他們太活躍了! 男孩子會用他們的尖嗓子大叫啦, 唱歌啦, 大聲朗誦 (還要用國語!)......女孩子比較乖, 但都不太會專心架, 傾計啦, 畫下公仔啦......當時覺得要管他們, 真的很累! 不過大部分時候都覺得他們是可愛的~ (如果不喜歡小朋友, 我都不會選擇這份工啦)

乖巧, 有禮貌, 做功課做得整整齊齊的學生 (通常是女孩子), 是最得人歡心的了, 我還記得當一個小妹妹 "lur"我問我可否陪她玩時, 真的很嗲, 很可愛呢!


所以...
我﹒真係﹒想像唔到﹒這個年紀的﹒孩子﹒會﹒走去﹒自殺


或許就如大文兄所講, 這個社會, 已經病變了吧!

我等, 我等, 我等等等.......

(15:20)






大佬......blogger大......佬大大......我想upload幾張相啫...你唔係要玩我呢個電腦生手下話.........



d相明明都唔係好"大"......幾張夾埋先係1M啫.........

(15:35)





好o野呀! 終止都up到三張了~! 弊! 唔小心 delete左一張! =_=...




(16:00)

總算搞掂......一額汗......

*丫其實我原意係想同大家分享下 "西安結冰的櫻桃"的呀~~~~~

實在太靚了! 如有網友詩興大發, 不妨吟番首詩呢~

2008年1月17日星期四

又再倒數: 11天

不經不覺, 一月就過了大半了! 而我的工作天只剩下......11天。


這樣倒數, 其實我都試了不少次, 所以今次沒有甚麼大感覺, 沒有太失落, 當然也不會好興奮。 迷茫, 害怕......也沒有! 可能因為最差的都試過了?!


唯一不變的是, 我應該會不捨得同事們吧~


唔......某處總會有一個新開始等著我。加油! Fighting!


哈, 點解今日特別眼訓o既?! 係因為天氣凍嗎......?!

2008年1月14日星期一

一個媽媽的自白

我是一個四十多接近五十歲的女人, 有一個老公, 兩個廿多歲的女兒。老公是已退休"食了肥雞餐"的前公務員, 近來心思思想去做生意, 時常返大陸。我都唔知佢做甚麼生意的呀, 總之就好像"百足咁多爪"! 我希望他不要被人欺騙, 他做到自己喜歡的事, 賺不賺到錢有沒有家用拿回來, 我沒所謂, 只要他自己做得開心就好了! 他曾經試過有外遇, 我心灰意冷, 好彩後來他那段情沒有了。之後我都睇化左, 他想玩的話我怎干涉得了?! 我知道他就算玩, 都不會走得太遠的, 而且結婚這二十多年來, 他已經算對我很不錯了! 女兒們未上中學之前, 整個家的支出都是由他負擔的。

直到女兒們上中學了, 我便打算也試試找工作, 初時在百貨公司做 part-time sales, 之後上了一些會計文憑課程, 便到某機構應徵做文員了。我最初對自己沒太大信心, 但是老闆話我知請了我是因為我寫得一手好字, 這也是我甚為自豪的! 後來也因為老闆賞識我的工作能力, 我陸陸續續升上了行政主任的位置! 不經不覺, 在這機構也做了十二﹑三年了。

我的大女兒時常令我擔心, 這麼大個人了, 又大學畢業, 還好像沒頭沒腦的, 教我很擔心。話她呢, 一定黑口黑面, 好像[xxxxx]咁! 脾氣暴躁得不得了! 有一次, 聽聞我差點要成為婆婆! 差的嚇得我心也要跳出來了! 現在總算事過境遷, 但又開始擔心她找工作的事了......

小女兒還好, 因為她曾經獨自在外生活過, 所以思想成熟得不得了! 但是我又怕她太剛強, 找不到男朋友! 就算找到了, 以她的性格, 分分鐘可能會把人嚇走! 她的事業不錯, 目標又明確, 現正一步一步前進! 唉, 如果兩個女可以互相"溝勻"就好了!

我兩個女兒雖然性格火爆, 但是心裡是很疼我的, 這個我知道! 其實她們也算是乖孩子, 大女兒善良得連昆蟲也不敢殺 (其實她是很怕囉 - 激死!); 小女兒拿很多錢回家! 我平日不煮飯她們沒有怨, 我自己興趣多多, 搞到自己好忙, 不過每星期總會有一天, 她們陪我會吃吃早餐, 或下午茶; 個人認為大家樂非常好! 價錢相宜, 食品好吃, 座位舒適!

這樣的好日子, 其實我並不知可以過多久; 我這樣想, 是因為前年我姐姐過生了, 她由驗出患上了肺癌, 直至在離開都只不過是個多月時間, 走的時候是五十歲! 她走後, 我們幾個姐妹, 有如驚弓之鳥; 可是到最後都明白如果始終要來的, 就是躲不過! 我想, 姐姐的離開, 令我, 我的其他姊妹, 甚至我的女兒們, 更加珍惜大家在一起的日子, 對任何事的感恩, 寬宏之心也大了!

上星期開始, 我發覺自己頸部右邊的淋巴位置莫名地腫起了, 沒有痛, 就是腫起; 早上起床後發覺有鼻水倒流, 那些倒流物是粉紅色的。我通知了上司和一兩個朋友, 大家查過資料後覺得這和鼻咽癌的症狀相似 (有時真的不知道作為一個 "知識型人類"是好是壞?! 好像現在這般提心吊膽!), 她們都好擔心, 立即幫我找了醫院, 約時間撿查! 其實我真的有點怕, 而且迷信, 有個朋友替我起了支卦, 他說我應該有少少事, 但不至太嚴重, 我就安心了一點!

如是者, 我下個星期便會去檢查了。大女兒好像比較擔心, 可能因為她對經歷過的, 印象比較深刻吧!

(可能會有續集)

link去link來

看了夏娜姐姐的"link來link去", 她說一開始是看「追揸沽」, "一看上癮沒付會費就進了fans club。未曾想沒多久渣老闆居然將小女子的扑加到以「眉目傳情」作標簽的link裡面,嘩!"

唉也我都是一樣呢! 不過我知道自己寫得不好, 所以明白渣老闆此舉是鼓勵新人而已...佢又點會得閒睇我的blog丫!

我想講一講那個 "link list"。我認為真不錯呀, 因為想看的blog不用全部放到電腦內的 "我的最愛"。 想看哪個blog, 很快就找得到了, 很方便呀~其實我未有這個list係因為...我唔識搞! 我都未搞清楚怎樣加人名!

本來我想盡快加上這個list的, 但是看了幾位網友對此list的看法...我都不知加還是不加了! 想得咁複雜, 是因為畢竟人心難測吧!

2008年1月11日星期五

不想睡

因為食得太飽! 整個星期每晚都有飯局, 變態!

無無聊聊有o野想講唔知點講!

不爭取足夠休息, 在錯誤地燃燒青春!

我覺得多朋友有時係一個負擔, 因為要保持友誼係要定期見的...有時不知自己為了甚麼, 我交朋友的態度真的很"濫", 但我對所有人都是真心的!

但我有時對她們一些言行, 是很不滿!

一是和我在一起時竟然傾電話! 這樣是沒教養的吧?!

二是在我面前成日話自己老! 明知年紀比我少, 算點先?! 廿一二就話自己老? 豈有此理! 我覺得自己廿五仲有大把青春喎! 只係二十歲生日那天, 發覺自己已不是 teenager, 好像突然真的長大了, "老"了!

三......沒有了, 我份人很隨和的嘻嘻!


JoJo是唯一知道我這blog的現實朋友, 因為我對她沒有秘密! 得一知己如此, 係死而無憾的~
JoJo, 我遲d睇完那人的blog, 再寫新文! 宜家好累了!!

faat up phone完畢, 骨厲!

2008年1月9日星期三

我...喜歡上了...

唔經唔覺, 我"玩" blogger已經一個月有多了, 每日於沉悶工作的空檔中, 看看&寫寫(不過我呀, 宜家都未係好熟blogger的 function...唉!)...老實講呢, 若然我不是有工作, 不是在此處工作, 我應該根本沒有這個心呢! (因為我在失業期間一篇 blog也沒有看! 連當時最喜歡的《人在中環》也沒心情看! 就算上網我也是上youtube, facebook那些娛樂的網...)

所以有時真係要感嘆一下這"天時地利人和"! 令我有此機會, 認識到你們! 你們的見識, 見解, 文思, 幽默, 實在令我眼界大開...還有你們友善地"受"我一齊玩, 實在令我感動莫名!

我至今仲一路一路發現好多有趣的blogger, 多到我睇唔晒添!
希望你們唔好覺得我"認親認戚"......但係我覺得我的思想和你們其中有些人呢...真係有想似地方! 例如愛家庭啦, 火爆衝動啦, 可能有d粗魯啦, 幽默啦, 敏感得來又會自我安慰啦...(我也喜歡畢華流架~)
你們這班新朋友, 好似比我本來的朋友還要有趣! (定係我得三分鐘熱度?:o)

我喜歡上o既......咪係你囉~~~ (是否開心過當選為時代風雲人物呢 :p)

2008年1月8日星期二

好難食...

昨天朝早, 在 "OK" 買了一份火腿三文治...這份不太好吃的三文治要賣十元, 我覺得真的很貴, 不過勝在快! 如果不趕時間, 我一定買 "M記"...(這情況是很少有的)

但是昨天的三文治真係 "此品只應天上 (地下?)有"呀.....點解可以難吃至此......

塊麵包又乾又硬 (仲好似有少少的異味, 係因為d麵粉係用了幾個月的倉底貨, 還是麵包已放了幾晚?!), 火腿內有些好像蛋殼的物體, 吃到一半, 差點想吐!

但是不吃早餐是不行的呀!

放工後, 有少少餓, 我去了 "美心"買麵包, 見到了一個 "北海道朱古力包", 那樣子好像好好食, 表面又有d碎朱古力咁! 誰不知......

嗚嗚~ 怎麼全部都如此難食, 沒有麵粉的香港, 真係玩死香港人咩!!!!!

2008年1月4日星期五

公司 MSN

相信大部份人的公司email都係用 outlook, 因為真係 send/收得好快!

我的朋友就會叫它做 "公司 MSN", 因為我們在公司沒有MSN, 所以 outlook便是我們的聯絡方法! 又因為我們通常都一兩句send來send去, 所以真係好似 instant chat的......

但是我今次要說的不是我的朋友, 而是公司同事! 話說我覺得公司d人都幾冷漠, 好似自己顧自己的, 不過原來都有一班較 "後生"的, 比較玩得埋! 我最近就開始埋左佢地堆......

他們久不久會用一些原因, 一齊食lunch "慶祝", 好似早前一齊叫 pizza慶祝 X"mas! ......話說今個月有人生日 (其實每個月都有架啦), 據聞他們會一班人去食飯, 然後生日那個不用付錢, 他們俗稱 "標會"!

email msg 如下:

Dear All,

大叔 and大嬸今個星期大壽, 為左慶祝呢件盛事。
明天我們一齊飲茶慶祝下.

Pls come to share his happiness…

Date: 2008/Jan/03 (Thu)
Time: 1200
Place: 豬骨煲


(by 時d乎)

有同事叫我都去, 所以我好奇之下就去 "標呢個爛尾會"! 老實說, 其實不太飽, 好似就住就住咁, 又頗貴... 不過一次半次, 當然冇問題啦, 大家開心下嘛!

只係, 之後發生的事, 開始有d "搞野"......原來"大叔"因為突然有事, 所以缺席了! 他miss了他的"標會福利"!

我嘗試用 MSN group chat形式表達發生咩事 (可能會有點亂...), 假設我們這個 group大約有10人: 時d乎(發起人), 阿花, 飛力, 大叔, 阿波, 阿芒, 火女, 二粉 (其他人沒有出聲)

時d乎: Lunch total: $437/9 = $48.6

飛力: He should pay double……

阿花: who's "he"?

時d乎: 我諗佢指大叔…………

大叔: 我出唔到席, 最大損失果個係我, 你地反而要多榭我先啱, 可以慳返唔使出埋我果份………………………

大叔: 我又冇叫你哋補請返我, 有心就各自請我喇!冇心就………………………算把喇!

飛力: Ok la, I buy u a lunch next year…keke

大叔: ………………………算把喇! 下年…………………..!

阿花: 下個月到我個陣,你請我就請番你ar^^

大叔: 我重响樹一定oK格, 唔在就冇法啦!

阿花: 你有心避開我都無你符架

時d乎: ***我唔覺得最大損失果個係你喎…………

我地一心一意, 盛意權權咁諗住同你慶祝,
阿花仲著到花姿招展咁諗個同你慶祝
點知你一聲不響咁走左去, 連一個回覆都無, 最傷心既應該係我地
就好像有個女仔痴痴地愛一個男仔, 向佢表白
點知佢一個回覆都無就同左第二個一齊

之後個男仔返番黎話: “你仲愛我, 我就俾個機會你”
大家話呢D男人係咪賤人丫?
最受傷害既又係邊個丫?***

火女: (心想) 好o野呀.....勁呀.....
飛力: 好文釆.

阿波: 嘩~~~响邊度抄出黎架~~~~ 一d都唔似你講既~~~~

火女: 忍唔住要 “搭嗲”: 真係好文采呀~~~~~~~

阿花: 佢填開詞架

火女: 實在佩服呀…佩服!

時d乎: 肺腑之言

阿花:我開頭以為你係邊度抄出黎添

火女: 睇唔出你係一個多情種子~~~~~~~~~ XD

阿花:係呀, 佢處處留情架, 你要小心

大叔: 唔好以為佢多情就=公子先得架. 有屋企唔返,起炮房. 多情種………………………子下話!

火女: 唔好誤解我呀, 我好客觀架! 我所指既係會作下情詩, 寫下情信既男人係會殺食d咁解啫!

時d乎: 咁公司有個男仔好符合你所講的. 寫情詩佢真係無人能及

火女: 好驚喎, 唔駛咁客氣啦 ‘-_-

大叔: 邊個?V仔?

阿花: V仔? MOTOROLER?

(此時, 大家留意到d email突然cc俾多左個人…)


大叔: 冇得撈啦…………作死你,V仔你都翻,重要CC!!!!!!!!!!!

阿波: 佢呢幾日不停咁玩緊v仔啦~~~ 你又唔知咩~~~~

火女: 雖然我唔知v仔係邊個, 不過, 耐人尋味…… (之後唔敢再出聲, 因為唔知佢地講緊乜水…)

阿花: 你留意下身邊既靚仔, 不難發現

阿芒: 靚仔 -_-”’ 有咩???

阿花: 觀點與角度問題嗟 ^^

時d乎: 我諗住介紹佢出場丫嘛………估唔到有人睇唔到

阿芒:V仔較早前都笑哂咁行黎行去, 家下見佢變咗面, 唔知係咪…… 小心旁邊

阿花: 痴左咩你, 單聲呀MA. delete晒下面d message先 cc呀ma

阿花: 佢應該更開心至係喎, 有人侵埋佢玩

阿芒: 就係因為侵埋佢,令佢無所適從、不知所操~~~

阿花: 可能佢係度諗緊點回應

阿波: 佢係為左果封5位數字既媒人利事所以忽左上腦~~~~

阿花: 貪心! 佢(日)今似乎有d反常....

大叔: 有冇刀仔响手到?

大叔: 邊點,幾度? (佢應該係回應阿花 “觀點與角度問題嗟 ^^”)

阿花: 屎屎闖禍啦

時d乎: 咁你要保護我呀~~~~~

阿花: 搵咩保你呀?! 一命填一命呀?! 都唔知死架你, 亂咁黎!

(一路只係睇冇出過聲的)二粉: 你痴9 線架~ 全部 CC 晒俾佢! 有事就底你死喇…

阿花: 唉, 無眼睇x_x

時d乎: 我俾中斬既話,你幫我捱一刀啦

阿花: 你係咪男人黎架, 你知唔知咩叫一人做事一人當呀?!

大叔: 佢係粒…………………………種子。最鍾意拉人落水, 咁咪如魚得lor

時d乎: 一刀之後既99 刀我會受晒

阿花: 斬你99呀?

大叔: 你對佢隻 99 都甚具興趣bor….又想收養埋呀,佢絛9 好病個bor, 好長手尾唔頂個bor


拿拿拿, 以上只係本人 copy & paste咋, 並不代表本人立場呀! 我只係覺得真係好搞笑......Lunch time之後就冇再講了(或者係冇cc給我, 唔知~) XD