上個星期, 因為感冒同食錯o野, 要落去睇醫生......
八點半先落到去, 嘩佢差d要走喇, 好彩好彩! 當我探緊熱, 佢睇住我張病歷咭話: [你第一次黎睇我係十三歲喎!] 我: [係啦, 十幾年喇.....隔離果間都"執左粒"啦, 你仲屹立不倒喎] (心果句: 哼, 如果唔係隔離執左, 我都唔會黎啦) 果一刻, 係有一點點老朋友說舊話的感覺......雖然佢實會叫人打支針, 雖然其實我全家人都暗地裡叫佢"黃綠"
真係呀, 自從隔離開多左一間醫務所, 我都會去隔離果間 (尤其是當時可以用醫療咭), 因為當我想要病假的時候, 佢會順攤d, 反而黃綠佢係會用鄙夷o既目光同語氣話: [呢d感冒, 唔洗放假都得固喎....] 然後就好似不情不願咁俾張假紙黎, 哈哈!
不過唔知係咪d人"先入為主"? 認為"新不如舊"? 總之果間就冇左 lu, 嗚呼!
黃綠佢開左六種藥俾我, 嗚呼!
***補充黃綠似"老""朋友"之原因:
1. 佢時至今依然係用人手寫病歷, 好似冇打算轉電腦喎
2. 帶唔夠錢落去, 差幾廿蚊.....佢會(懶"豪"咁)話: 爭住先囉~! 下次落黎俾番就得啦~~!
(待續)
沒有留言:
發佈留言