2007年12月31日星期一

新年快樂呀~~~

咁多位虛擬朋友, 你們好! 火女在此祝你們新年 -

生命滔滔, 財源滾滾, 情場得意, 生番兩件, 勞而有獲, 歡歡喜喜, 身體健康, 合家平安.............

2008, 會係一個好年, 因為 2+0+0+8 = 10! 剛好係一個十進制單位, 齊齊整整和和氣氣! 個"8"字圓圓潤潤咁, 好可愛~! 平時填寫日期都會會心微笑!

其實新年流流, 我仲想同大家分享一個趣聞 (我想講出來好耐好耐了! 亦可以當這是一則"尋人啟事"):

你見過最大的女仔手/腳有幾大?

有一個廿零歲女仔, 五尺六吋高, 算係普普通通。不過佢雙腿呢有42吋 (拿拿拿, 男士們看到這裡, 幻想係可以的。不過如果我同你講呢個女仔體重有150磅呢?!......)

這個女孩子天生就手長腳長, 這是拜父母的優良血統所致...... 好, 入正題, 其實這個女孩正是我!

我走遍英美 (工作和讀書), 從未見過有一隻女人手大得過我! 我整隻手掌有20cm長, 中指 (手掌計)9cm, (手背計)11.5cm; 尾指 (手掌計)7cm, (手背計)9cm! 所以, 以我這一代人 (女仔), 我認手長第二, 應該極少人認到第一!

腳就反而可能有相同 (不過都係好少好少), 我穿: 香港 size 43, 英國 size: 8, 美國 size: 40/41

如果有女仔手腳都係咁大, 不如同我相認下丫! 到時我地可以交換 (手)相!

手大腳大其實有好有壞, 有時見到自己手/腳大過d男仔, 我都會幾尷尬! 不過我時常被女性讚我隻手好靚 (男士反而無; 可能因為他們覺得大部份女人手都好靚...) 好彩我男友隻手都有我咁大(不過手指短些)。

我係極度難買到鞋的, 好Q麻煩! 不過好彩最近都有幾間賣大碼鞋的, 款式都唔錯! 仲有我其實覺得自己有戀鞋癖, 所以好彩難買鞋, 否則屋企有過百對都唔知點算! 仲仲有, 就算3/4吋高跟鞋, 我穿上亦不會太辛苦, 因為個角度不太大 (可參考 sin, cos, tan 定理)...不過如果我穿上的話, 便感覺自己好像高過很多男士而導致不自覺地寒背! 所以我的鞋都是平底多, 以兩吋為限!

最後我都係想問多次: 有冇人同我相認呀~~~~~?


Happy New Year!

15 則留言:

Hana 說...

火女:
唔好玩啦
"2008, 會係一個好年, 因為 2+0+0+8 = 10!"未龍來格喎,1都贏佢丫

海火火女 說...

係咩係咩, 我其實唔曉架, 真係亂咁吹下水架咋...

真係失禮晒添!@_@ 不過人係應該向好方面想的!

xiao zhu 說...

Happy New Year!!

Hana 說...

祝新年快樂!一帆風順!

匿名 說...

火女:

唔好遮住自己個靚靚樣呀~~~~~~:)

Daniel.

米都話唔搞咯 說...

彈琴咪好著數~

億利 說...

新年快樂!!!!

你d 手指好長...
如果你手指公既長度去到食指第2節既話
代表你好有福氣^^

海火火女 說...

小朱& Hana姐& Daniel& 米搞 & 億利,

新年快樂!!

遮住個樣, 有神秘感仲好, 何況唔靚~~~

彈琴我ok架! 不過五級之後就冇再學了!

不過我隻手指公長度冇去到食指第2節咁勁喎...真係有人係咁架?!!

喵喵 說...

哈!火女你好得意呀!!

我既手長腳長只係視覺同比例上人地以為好長,但你就係真正既手長腳長喎!

20cm手掌長!!你男朋友那話兒放上去會否也感到自卑呢?哈哈...J/K!

不過你話佢隻手都有你咁大,根據我既正比定律,佢都應該係好堅既!哇哈哈

再次歡迎你加入扑界大家庭!今年一齊玩得開心D呀!

海火火女 說...

喵,

多謝你既warm welcome呀! 我覺得呢, 同你有某種緣份, 好似好多o野都幾相似咁! (我唔係gay...)

>>你男朋友那話兒放上去會否也感到自卑呢?哈哈...

係喎, 從未這樣想過 hahahahaha XD
你推斷得ok正確! :p

CH呢條友 說...

你對手真係好長wor...

大許Eric 說...

你cut d俾我老婆la, haha

小妮音樂日誌 說...

Happy New Year! :D

億利 說...

不如你都cut d 俾我
我就掂到第2節啦....
沾d 福過黎好wor

大許Eric 說...

我老婆對手唔長嘛,haha