2008年9月3日星期三

妳不是一個好的美容師

Dear Sandy,


很久沒見了, 妳好嗎?

妳幫我做facial, 都應該有一年吧! 記得妳我的年紀差不多, 妳這樣年輕就已經是一個專業的美容師了!

當時和妳, 是有很多話題的, 例如拍拖的去處啦, 儲錢結婚的心得啦, NDS有甚麼好玩的遊戲等等! 就好像一對朋友! 可惜, 我一直都沒有問妳拿電話號碼。

妳好像會在今年年尾結婚? 我真的有認真想過要參加妳的婚禮.........

我自從三月轉了新工, 都因為懶/忙, 有一段時間沒上來做facial;

到我覺得「唔得我d皮膚真係好鬼差, 真係要搞搞佢喇!」的時候已經是八月了! 可是.......當我想再去找妳之際........妳已經走了!

美容院老闆說「我唔知呀佢之前去完台灣旅行就打電話俾我話佢唔做, 跟住就消失不見了....」如此玄妙?!

所以, 我在再找不到妳的情況下, 連道別都沒有, 就此失去聯絡!

此後每當其他美容師為我做facial時, 我忍不住, 想念妳...........

想起妳為我針清時, 一邊說「嘩! 好污漕呀你塊面!」加上把擠出來的東西給我看, 哈哈.....雖然好痛但不失有趣 (男士們可能覺得這樣很變態吧!)

我覺得我和妳在這方面真的很夾!



Dear Candy,


妳是繼Sandy走後, 美容院安排給我的。老實說, 你是我遇過最不濟的一位......

妳身為美容師, 怎可以不為自己「搞下個look」? 怎可以容忍自己的外型像一個農婦? 實在太樸素了吧...妳帶起的話題亦非常公式、十分老土......

而妳說自己有多年做facial經驗......可惜妳為我「清潔」的時候, 好像馬虎了一點! 我當晚回家後, 還看得到自己臉上有不少的「黑頭」!

妳還夠膽一見面就sell我一支精華素, 價值一百大元。

須知道要不是我早已買了整套套票........而每次的facial其實已經要四百多元了!

同樣的護膚品, 為甚麼妳幫我塗上後一點起息都沒有?

幸好, 妳的老闆應該也察覺到了, 不用我親自開口就換了另一人了......



Dear Michelle,


妳好, 雖然我們前日才第一次見面, 但我對妳的第一印象是.....

妳是個很溫柔的人, 為我做每一個步驟時都會說「拿, 我宜家幫你咩咩咩喇」、「等我宜家開個臭氧機幫你消下毒先」好好.....

但妳又何必急不及待要我買一套十支精華素呢?? 我已經不再是以前那個不懂得儲蓄是何物, 花錢如流水的小妹妹了, 就算妳用了整晚時間遊說我, 我也只是會買一支, 因為實在怕煩........

妳令我對美容這件事, 害怕了...!

看來我會暫別這間美容院了吧!

8 則留言:

自由行 說...

火女:

你一講呢個topic, 我...我好似好耐未做過facial,唔係我皮膚好, 係我懶o者..

我好怕d美容師一路做, 一路不停講野, 因為我真係好眼訓, 我只會覺得係噪音. 要我買乜買物, 可能性係近乎零..因為我知道, 我成"木台"面都係d用唔完既lotion後, 我..我覺得我要慳家.

說實話, 到今時今日, 我仍然未搵到一個合我心意既美容師.

shizuoka2002 說...

火女:

是否需要一個新美容師~~~~~~?:)

P.S.妳是否有facebook?:)

Daniel.

laulong 說...

女女:

寫來有感情!

我成世人都未做過 facial, 也沒有深究過,男人也該做嗎?

海火火女 說...

行姐:

我都係好眼訓架! 不過我耳仔軟, 好多時都俾佢地得逞左!嗚~
其實...女人錢真係非常易賺!

Daniel:

是否有好介紹? 哈哈哈~
我有facebook, 不過我只add真正認識的人!
sorry~!

爸爸:

有感情, 是當然的! 其實我真係好掛念第一個...
男仔都可以做架!
聽聞越來越多男士注重護膚喎~

自由行 說...

歌手:

>其實...女人錢真係非常易賺!
絕對認同! 我以前都係耳仔軟, 而家..都幾難要我就範..
每次"目標"出現時, 叫自己停一停, 諗一諗...然後..你會覺得"都唔係咁o岩用o者!"、"用埋舊既先"、"um..我懶到死,成日都唔搽"..跟住就會放低架呀!
日子有功, 你就會得架呀..試下!

海火火女 說...

絕對同意你呀行姐~~~~~

我都在修練中!! @_@

自由行 說...

火女:

大家咁話~

shizuoka2002 說...

火女:

當然有,如果沒有facebook,有email嗎?:)

Daniel.