2008年9月24日星期三

4J看愛情 - 于素秋篇

這四個J, 代表著四個女孩子, 學歷很相似, 背景頗接近, 只是.......各人經歷令愛情觀有所不同! 而且, 因為一套電視劇, 令她們心裡產生了一些想法.........

你會最認同哪一個?

(此文章有幾多分真, 幾多成假, 請讀者自行猜度! )

其中一個是火女, 呵呵呵~

* * * * * * * * * * * * * * * * * * * * * * * * * * *

Janet: 原來你像他

我認為「家好月圓」最好睇的莫過於凌b 同于素秋, 可能不是最好睇, 只是最吸引我而已。我一直以為是黃宗澤靚仔先吸引到我睇, 點知我終於發覺到點解咁鐘意睇, 原來情節像我和他:

b 車于素秋去屯門食豬腳薑、去南丫島食豆腐花的情節似曾相識, 咪同佢車我去西貢食糖水、去赤柱食魚旦河無分別?? 原來都是追女手段之一。

咁浪漫, 又有邊個女仔會唔 lum ? 原來個個男人都係鐘意做好多野令你愛上佢, 但最後唔會同你一齊。

劇中b 有同于素秋解釋點解唔可以同佢一齊, 雖然我同于素秋一樣都是傷心收場, 同樣同唔到鐘意的人在一起。可惜既係, 我就死得不明不白, 唔知點解佢會離開我。

Josephine: 返唔到轉頭!

, 在這世上, 又真係會有幾多個管家仔丫! 可能係「零」囉...!

曾經有一個他, 對我是最好的了! 他就好像管家仔對于素秋, 全心全意地愛我, 照顧我。可惜的是……根本我對他就係無情人的感覺!

當佢知道我喜歡上一個壞男人, 還要為那男人做了很多傻事、很多錯事; 一向對我寬容的他終於忍受不了! 憤然從我身邊離開, 無論我怎樣求他原諒都無用。

管家仔對于素秋的大量, 應該......只限於戲中吧!

那個曾對我好的他, 就這樣消失了。

Janice: 感覺沒有變?

唔明。

蛋糕那一幕最令我不解。

雖然于素秋不是因為個蛋糕而「轉軚」愛上凌b, 但那一幕是最奇怪囉! 明明和管家仔都很好了見到那個蛋糕, 反而如此無奈!

好唔明白她點解會咁快愛上另一個人! 難道愛上一個人真的如此容易??? 在我的角度看就會有點兒戲喇。

另一兒戲之處, 就是阿秋和管家仔的感情:

如果我在十多歲時經歷初戀, 相信到廿多歲時, 就算(在同學會之類)再遇到他, 都只會問問他的近況, 把他當成朋友了~ 感覺這東西, 隔了十年還會一樣嗎??? 而且, 就算我不開心, 也不會找那個他!

Jasmine: 其實玩唔起…!

我認為每個女孩子或多或少都像于素秋。當有人向她獻殷勤, 她會歡喜得飄飄然; 當有人無條件對他好, 她會很受落 (雖然感覺內疚)

她雖然是一個很善良老實的人, 但是其實她也自私! 也貪心! 最終的失敗原因, 只是她玩唔起又要學人玩而已! 既然選擇了這樣的感情, 就應該知道遊戲規則! 應該預計到結局是如何! 沒有用手段爭取凌b不特止, 當人家走了又要裝可憐, 有失身份!

所以我認為她是失敗的!

所以我討厭她!

, 實在不配得到管家仔的愛!

6 則留言:

自由行 說...

火女:

你既4J 看愛情, 其中一個既結局好似我.
成套戲我覺得于素秋同凌b係最悶. 不過; 如果二個揀一個, 我會揀....管家仔.
一個給我安全感、愛我、有擔帶既男仔. 雖然佢表面上係一個餅舖仔,但心地善良,為左自己愛人,不惜一切咁為佢,世上難尋呀! 我情願要平凡的愛.

卡臣 說...

好似一個只啱做男友
一個只啱做老公

laulong 說...

女女:

我真係唔鍾意睇家好月圓哩齣劇,晚晚都鬧交,將人性的仇恨、陰暗面無限誇大,實在不該。

沒睇過,也無從下甚麽判斷了。

自由行 說...

係呀! 卡臣你講得岩, 一個啱做男友, 一個啱做老公.

海火火女 說...

行姐:

世上又有幾多個管家仔吖!
平凡的愛...好難講, 對我來說, 我唔知「平凡」等唔等於「愛」!

卡臣:

只啱做男友那個...要睇下自己還剩幾多本錢!做老公呢...都要base on 有愛架!

爸爸:

鬧交係唔好睇, 不過都有描述他們一家人溫馨的一面, 所以...都可以啦! :p

自由行 說...

每個人對"平凡"既要求都唔同, 唔需要俾個框佢, 只要自己覺得舒服就得!

我都曾經見過呢類型既男仔, 不過我就無咁幸運, 成為佢地目標!