2008年1月9日星期三

我...喜歡上了...

唔經唔覺, 我"玩" blogger已經一個月有多了, 每日於沉悶工作的空檔中, 看看&寫寫(不過我呀, 宜家都未係好熟blogger的 function...唉!)...老實講呢, 若然我不是有工作, 不是在此處工作, 我應該根本沒有這個心呢! (因為我在失業期間一篇 blog也沒有看! 連當時最喜歡的《人在中環》也沒心情看! 就算上網我也是上youtube, facebook那些娛樂的網...)

所以有時真係要感嘆一下這"天時地利人和"! 令我有此機會, 認識到你們! 你們的見識, 見解, 文思, 幽默, 實在令我眼界大開...還有你們友善地"受"我一齊玩, 實在令我感動莫名!

我至今仲一路一路發現好多有趣的blogger, 多到我睇唔晒添!
希望你們唔好覺得我"認親認戚"......但係我覺得我的思想和你們其中有些人呢...真係有想似地方! 例如愛家庭啦, 火爆衝動啦, 可能有d粗魯啦, 幽默啦, 敏感得來又會自我安慰啦...(我也喜歡畢華流架~)
你們這班新朋友, 好似比我本來的朋友還要有趣! (定係我得三分鐘熱度?:o)

我喜歡上o既......咪係你囉~~~ (是否開心過當選為時代風雲人物呢 :p)

14 則留言:

中產管數男 說...

噢...我都好粗下架,最中意頂呀, 小呀, 能呀...咁, 無計啦, 平時工作壓力大呀,唔小唔得,haha

火女 說...

我都好粗呀...不過通常心入面爆囉!

當年我好鬼鍾意聽 "大懶堂", hehe~

匿名 說...

火女:

妳肯show個樣我睇,我好難唔愛死妳噃:)

Daniel.

中產管數男 說...

有樣睇??

火女 說...

咪玩啦~ 我show個樣俾你地睇, 你地個個離棄我就真呀!! :p

Daniel, 你都係"專一"d...愛Erica同小妮好了!

中產管數男 說...

唔好咁話自己...

nodame 說...

我都經常返工睇blog寫blog, 不過轉左呢份工都少左啦, 幾十雙眼望住... 不過有時真係做野做到悶, 都會去睇下的... 嘻嘻~

xiao zhu 說...

嗱,而家咪幾好!初初都叫你唔駛諗咁多,鍾意點寫咪點寫,幾開心!^^

匿名 說...

海火火女 said...
咪玩啦~ 我show個樣俾你地睇, 你地個個離棄我就真呀!! :p

Daniel, 你都係"專一"d...愛Erica同小妮好了!

俾妳識穿噃,不過我睇妳遮樣幅相,應該係靚靚瓜子臉,妳BF就幸福啦,嘻~~~~~~:D

Daniel.

匿名 說...

火女:

手指又長又靚噃,如果留長指甲再加粉色甲油就勁有氣質噃~~~~~~:)

Daniel.

火女 說...

ch, 咁係吖嘛~ 我當然知道自己隻手係靚, 先放 "手相"啦, 其他部份就......

ji, "幾十雙眼望住..." 哈哈係呀! 我都有架, 不過唔理佢地~ 況且我係 temp...

小朱朱, 係呀! 宜家真係開心呀, 對blog的熱情好似更勝男朋友.(弊!)

Daniel, "留長指甲再加粉色甲油就勁有氣質..."多謝多謝, 我試下先.....唉, 真係唔知應該 appreciate你定點!:o

匿名 說...

火女:

無他,我硬係覺得女仔唔化妝打扮係好嘥料噃.不過,如果妳同小妮一樣都係玩樂器,just ignore it~~~~~~:P

P.S.我唔係妳BF,所以我贊妳就:唉,真係唔知應該appreciate你定點!:o

正常嘅,不過真係難得妳啲手指長而纖巧:)

Daniel.

北夫人 說...

>>我至今仲一路一路發現好多有趣的blogger, 多到我睇唔晒添!

開頭係越睇越想睇既,慢慢(即係我而家既狀態)就會覺得睇到好累,邊睇得哂咁多個人寫既野吖!就會開始唔想再嘥咁多時間係呢度啦...

火女 說...

喵, 咁點算呀, 我唔想咁喎...
不過我都明白會越來越累...

又不過, 拿到個平衡, 應該會好d你唔好走啦!!