2012年6月1日星期五

My best friend's wedding


1. 女主角的最好朋友 (男性) 要結婚了
2. 雖然他們是好朋友, 不過已經很久沒見!
3. 女主角其實一直都愛那個朋友, 只是一直沒開口
4. 於是, 她想「做d野」以免自己後悔…
5. 包括想辦法令那個未婚妻出醜啦 (對方的大刺刺反而化險為夷了!)
6. 「提醒」好朋友大家當年有過的美好回憶及情誼啦…
7. 最後, 製造機會表白 (還要不小心被未婚妻看到了…)
8. 看到緊張地向未婚妻解釋的好朋友, 女主角突然醒覺了! 其實他倆在一起未必會幸福, 但與未婚妻一起的男主角, 看上去無比幸福!! 所以~
9. 女主角衷心地祝福了一對新人了!


  *               *               *               *                *

故事劇情是這樣的: 1 -> 2 -> 3 -> 4 -> 5 -> 6 -> 7 -> 8 -> 9

而現實情況, 則是這樣: 1 ->2 -> 9

XD

2012年5月16日星期三

其實我真係好鬼神經質


博友們, 好久不見了~! 我又回來了哈哈......

     *     *     *     *     *

最近發覺呢, 其實我真係幾麻煩......(這是初老症狀嗎?!?!?!)

(而且其實我係一直都知自己麻煩吧...-_-")

舉d例子:

1. 我唔鍾意原子筆有"一pat pat"墨; 我會成日在廢紙"清理"個筆頭

2. 又係原子筆, 寫字時如果有d筆劃淺色左, 我會在上面寫多次

(所以都係墨水筆適合我d, 無奈公司用開原子筆, 無理由貼錢打工架......@@")

3. 用螢光筆加間尺, 我用完會將間尺抺得好仔細, 然後明明沒有用過另一邊都要抺埋

4. 如果有廢紙, 我會make sure兩邊都寫完 (當草稿紙), 然後千里迢迢行去回收箱掉

5. 如果布一疊紙, 面頭果張係打橫, 下面有橫同直, 我會研究好耐應該釘左邊定右邊

     *     *     *     *     *

吹毛求疵的後果: 做得唔夠快囉! XD

而且最近的神經質連自己都有d頂唔順.....囧...所以要寫出來舒解一下 :p

(咦? 換了新版面...唔識 tag了......)

2012年2月2日星期四

更新近況

最近煲劇煲到好癲,天昏地暗地煲!

事緣呢......火女本來部 iPhone只有200M的上網數據,但是在今個月的頭幾日就用爆了!

於是索性用盡佢!反正都要交多$290...(反面教材是也)

煲劇的途徑不外乎 youtube, PPS, PPTV......瞓前又煲,上下班在車上也煲(如果接收OK的話)......多數看韓/日劇!我快要變做一個超現實的人了!有誰來救救我...... :P

呀~~吖!但如果我在這裡寫下劇評會唔會有多D人氣呢~?

2012年1月20日星期五

恭喜發財!

兔年還有兩日就過,大家洗左邋遢未?我家進行到一半,明天後天又要多多努力了!

拜個早年先!火女祝大家身體健康,龍馬精神,財源滾滾,一本萬利,年年有餘~

女孩子青春美麗;男孩子步步高昇!

(賀年歌後補~)

2012年1月1日星期日

Happy New Year!!

祝大家新年快樂~ 火女要送贈各位(及自己)兩個字:珍惜~

2011年12月26日星期一

Merry Christmas!


(喔噢, should be "Merry Boxing Day"~!)

2011年12月22日星期四

節日快樂~!

無咩送到俾大家, post隻自己好喜歡的歌:

(話說我自己上網聽了24個不同人唱的版本! 癲呢~)



(但我喜歡的版本沒有MV, 不好意思~)

睇完好關機準備走人啦! 今晚涼涼地記得食飽D~ 哈哈

2011年12月21日星期三

我唔明法律!

話說我要幫忙去租一個新站, 其中牽涉了不少法律程序...

事實上, 其實是我的「上一手」做了一半然後走了, 件事丟淡左半年!

最後一個step: 簽 agreement。我覺得自己已經做了一份很詳細的 agreement 給那個業主, 怎料他把內容一加再加! 但係其實來來去去咪又係「果三覆被」?! 真係好唔明點解要咁做呀! 而且硬係要用一些普通大眾唔明白的英文字!

然後我地自己公司個法律顧問又要在改了的地方逐粒逐粒字去再檢查!

嘩, 係咁來來回回幾次, 真係煩死了...囧"

2011年12月9日星期五

又病到死下死下

我記得,今年春季(四月)開始,我到訪那個兒科醫生,他診斷我為鼻敏感,然後說「每年大約四月,你會特別嚴重架~因為轉天氣!」

但我想問醫生的是,點解宜家都未到春季,我已經咁嚴重呢?

然後去看了另一個醫生,拿了恐龍口水綠色的藥,還是不行...

究竟幾時先可以好番呢?!


2011年11月30日星期三

火女跳街舞

昨晚學跳舞, sir教了好難的動作 (其實係勁快的動作囉...)

佢鼓勵我地唔好消沉 (哈哈! 可能我地望落好down...因為d動作做唔到/做得唔好)

然後佢話: 大家返屋企練下, 同一個動作做一千次就會做得好架喇!

*_____*

我是第二期 join這個阿sir的班了, 覺得佢雖然將「街舞初班」搞到好似「高班」(我報既係工聯會唔係出面的dance club喎! 可能會有學員偷偷埋怨佢將興趣班搞到太緊張), 教埋d野鬼咁難! 但係我覺得佢好有heart, 好認真地想我地跳得好! 我估佢真係好愛 hip hop既呢...

佢的每個動作都好似擺 post! 真係好鬼好睇! 我都好想好似佢咁...(做咩會變左狂讚阿sir?! XD)

其實我想表達的是, 一千次應該不是誇張! 好似 Wonder girls, 少女時代等等, 一定都有苦練超過一千次先會跳得如此好看如此齊整吧! 想做好每樣野, 真係要靠苦練不可以懶的~

我希望自己就算跳得唔係勁好都有個型樣俾人睇下! 哈哈...

2011年11月25日星期五

火女眼中之新加坡

呼~! 久等了!!

(其實我已經精神分裂地post了些環球影城照片在另一個blog~ 咁在此處就寫下字promote一下新加坡啦!)

(在這裡post照片實在係超煩的! 艾德兄, 點解你可以post到咁多?? 勁呀!)

注: 沒有靚女相 XD

新加坡於我來說, 可能不算是一個旅遊點, 因為我有親戚+朋友在那邊......可以省回交通費! 今年內神推鬼擁地就去了兩次!

不過事實上我上次到新加坡已經是十多年的事了! 是最近才和那邊的人「重新聯絡」:p

個人認為那裡是一個比較有人情味的城市, 當地人比較熱情, 而且有耐性, 不會像香港人般急進而冷漠! 地方較細, 建築物不算新但乾淨! 聽聞政府會負責翻新的~ 福利好好, 政府的屋都是同一個樣板, 它們是「平售」給市民的! 所以他們的地址大部分是 xxx區, building #___ 號, 幾樓幾室, 就這樣!

然後街市及住宅都有好多地方給老人家休憩, 見過有一個熟食中心的枱有一個小洞! 原來是給老人家放拐杖, 非常貼心!

聽朋友講, 住宅的休憩空間也會用作辦喪事的地方! 當有人過身, 儀式就會o係自己樓下搞!

Post一些景點相先:

動物園, 小團友們在玩假鱷魚!

真動物 (豹是有隔著玻璃啦...不過牠們好有型呀~!

艾德放了摩天輪的日照片, 我便放夜間吧 (晚上看下去沒會比較不清楚, 無咁驚架~)! 其實...我覺得最佳的時間係日落時間 (大約7點), 真係會美到不得了!

本人放棄post景點相了, 請去熱血艾德看景點照吧! XD

今次的旅程其實最開心的是我們兩家人一行13人一起去! 人生能夠有幾多個家族旅行的機會? 應該少之又少吧! 而我們今次之行的目的其實是參加婚禮......

婚宴在香格里拉酒店舉行! 嘩....好富麗堂皇! 仲有台添! 不過...食物水準很一般呢! 令人失望! 新加坡可能沒有太多新鮮食材? 整晚都係蝦/帶子的配搭!

賓客們都穿得好華麗! 以致我們有少許失色了......

有機會的話我想多說點, 做一個今次旅程的思想總結!

2011年11月22日星期二

近況。。。

其實好想更新一下架!不過篇新加坡遊記還在草稿箱,又想update左先......

哈哈!我寫作好唔得呀,文筆好差!(而且有走下破的感覺!)想講的好似唔知如何表達!

2011年11月9日星期三

時間=最好的治療藥...?

今日特別忙, 可能因為明天放假啦! 正常o既~

然後 lunch time看 fb, 發覺了......咦! 今日是前度的生日!

完完全全忘掉了。

明明他的生日和我妹妹的是如此近。

雖然說時間是最好的治療藥, 但......我和他也並沒有發生甚麼太大的不快 (可能也只是忘記了:p), 所以如果一直淡忘下去, 又好似有點可惜!

但是如果不忘記, 又無法 move on吧......

(題外話1: 就係因為容易被忘記所以我在公司的文件99%都標明了日期! 哈哈...)

(題外話2: 明天終於放假! 好開心呀呀呀呀呀~~~)

2011年11月4日星期五

求診記

話說我今年看了很多次醫生! 現在這個醫生是一位「兒科聖手」, 當我去到診所見到的是一大堆比o靚模還要嫩的女孩子 (或男孩子, 其實即係幾歲的小朋友囉!) 充塞著整個waiting area......

終於輪到我了! 叩門入去....

D=Doctor; 火=火女

D: 坐吖~ 咩事~?
火: 醫生我感冒了
D: (望了我的病歷) 哦! 鼻敏感人喎你係! 鼻敏感發作囉!
火: 呃....係......? 但係點解會發作到咁? 我D同事都有鼻敏感不過佢地都係流下鼻水咁......
D: 佢地冇你咁嚴重呀! 等我開隻特效藥俾你啦!
火:......哦。
D: 仲有冇問題?
火: 有呀! 我想問最近右邊面的神經怪怪的! 有時麻痺有時抽搐.....我會唔會中風架?
D: 下? 中風? 你宜家咁細個, 個可能性都幾低架喎......有機會係牙痛引起既啫! 你試下笑同合埋眼? 如果做到這兩樣就唔係中風了!
火: (其實醫生會唔會取笑我低B呢?) 哦, 係, 唔該醫生!
D: 好啦 Bye bye!

完!

到埋單時發現「特效藥」要另外加$50! 即係原本用免費醫療咭都變到要俾錢! 哼......
下次仲去唔去看他......兒科醫生......

2011年10月27日星期四

晨早白日夢

我想

找一個錫我又有條件的男人

嫁鬼左佢

然後繼續返工不過唔會期望升職

日日9點半先出現, 如果阿姐話就一副「炒我吖笨!」的態度

返工hea hea下吹下水又一day, 夠鐘即閃

打字時不經意有隻大鑽戒show了出來

冇事業心又唔代表愛國和平喎, 是非照講

唔妥邊個就鬧邊個, 得閒篤下人背脊

這樣的生活是否會很爽呢~

發完夢, 要準備工作了! :(

2011年10月18日星期二

這個很有用...

男生請注意!

(火女呃了POST, 哈哈! 沒辦法啦, 放假後忙到扒街!)

2011年10月9日星期日

剛做了個惡夢!

好驚好驚! 剛剛驚醒了......

夢是這樣的,妹妹陪我到一個提款機處因為我想拿錢,怎料那部機被封了,寫著「壞機」之類!

但我妹妹話「無問題架!」然後撕開了封條,叫我照樣拿。

突然,有兩個南亞裔男子走近,感覺是不懷好意的(其中一位坐輪椅!)
(其實可能佢地都只係要去「禁」錢!)

......之後不清楚有沒有發生甚麼事,總之他們走開了!

但是我妹妹又話「要幫我教訓他們」,然後走上(向上的)電梯到其中一人身後,一下就抽起他的腳令他跌倒!然後......那個人頭著地......血!好多血!

血一直向下流!

妹妹嚇得只掙大眼睛呆看著,然後我匆匆地擁著她,試圖令她安心!

沒事的..................

夢的最後,是妹妹收到了判決信(係喎!就咁一封信)寫著 "Hanging"......我的心又即時離一離!

之後嚇醒了,醒來後呆看天花板大約十秒後,爆哭了!

:'(

真係好驚!好不安呀!

有人可以解答我為何做了這樣的夢嗎??

2011年10月7日星期五

火女的photo blog~

各位, 火女開了個 photo blog! 平日很喜歡亂拍的我終於有地方分享啦, 哈哈!

有時間過去看看吧~ :)

2011年9月26日星期一

一對分手男女的MSN對話

J=女; T=男

J XX (女方的再上一任男友) 要結婚了
T 我以為結左好耐咩
T 咁妳有冇聯絡恭喜佢
J 唔係呀...
J 有呀...做左人情囉...
T 人情? 有請妳去咩
J 係呀...我都唔想去
J 俾左3舊囉
T 會咁大方咩?請前度去
J 佢真係好大方呀! 真係有咁既人架!
J 個女仔既前度仲做兄弟添! 好爆
T 真係唔知...
T 咁笑料
T 妳去埋真係唔知點
J 好勁囉佢地
J 真係好大方
J 好似只係我覺得尷尬...............
T 都冇咩問題, 果d人玩得啫
J 係...
J 如果我請你你去唔去吖? ;)
T 去掛...妳有著落咩
J 無.!
T um...
J 你呢!
J 有冇對象, 快d講
T 冇拖拍.... 對象?我諗算係friend掛
T 妳又唔講
J 你講先,快d
T 講左la 我諗算係friend掛
J 你鍾意佢? 點識架?
T 新同事黎...學徒
J 哦~! 同事~
J 靚女?
T 都唔算la
T 妳呢?
J 我都唔算呀...
T 有冇目標ar:@
J 有個舊同事咁囉...有少少好感~":P
T 有冇試過佢 點諗
J 佢應該唔會鍾意我...
J 係好傾少少咋
T 有就有 冇就算我而家個心態
J 你鍾意佢?
T 唔知算唔算
J :@
J 鍾意就鍾意架啦
J 咁算點
T 我都唔知鍾意人果隻感覺係點我同佢都係咁講
J 你............
J 咁都得.........
J 你其實有冇鍾意過我?! :|
T 有, 點會冇ar
J 哼
T 係我個人一直gei問題
J 咁又會唔清楚果個感覺.....:|
J 宜家發現都唔遲呀!
J 起碼知道有咩問題先有辦法改吧!
T 都係隨緣la 你鍾意人又點 人地對你有意先得架
J 係啦........
T 況且宜家都唔知係咪鍾意
T 佢得19歲咋
T 妳話點搞la
J 嘩......好細個呀..........
T 隨緣la
J 嗯!
J 咁.......
J 如果你想同我翻撻都可以!
T 好好笑呀
T 個心都唔同左
J 咁悶吖嘛!....有時
T 我諗我d時間悶過妳好多倍law

* * * * *
大家認為, 這對男女分開了多久? 才會可以這樣對話。

2011年9月12日星期一

中秋節快樂!

人月兩團圓~!